ୱାଶିଂଟନ ଡିସି: ହସ ମନି ମାମଲାରେ ଆମେରିକାର ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ବଡ଼ ଆଶ୍ୱସ୍ତି ମିଳିଛି। ଅଦାଲତ କୋର୍ଟ ତାଙ୍କୁ ସମସ୍ତ ୩୪ଟି ଅଭିଯୋଗରୁ ନିଃସର୍ତ୍ତ ଖଲାସ କରିଛନ୍ତି। ଏଥିସହିତ ଆମେରିକା ରାଷ୍ଟ୍ରପତି ଭାବେ ତାଙ୍କର ଦ୍ୱିତୀୟ ପାଳି ପାଇଁ କୋର୍ଟ ଶୁଭକାମନା ମଧ୍ୟ ଜଣାଇଛନ୍ତି। ରାୟ ପ୍ରଦାନ କରିବା ସମୟରେ, ବିଚାରପତି ମର୍ଚ୍ଚାନ ଏହି ମାମଲାକୁ ଏକ ଅସାଧାରଣ ମାମଲା ବୋଲି କହିଥିଲେ। ସେ କହିଛନ୍ତି ଯେ ଏହି ମାମଲାରେ ଏକ ବଡ଼ ବିରୋଧାଭାସ ଅଛି। ମାମଲାଟି ଗଣମାଧ୍ୟମରେ ଶିରୋନାମା ପାଲଟିଥିଲା। ହେଲେ କୋର୍ଟରେ କଥାଟି କିଛି ଅଳଗା ଥିଲା।।
ରାୟ ପୂର୍ବରୁ ଟ୍ରମ୍ପ ମଧ୍ୟ ବିଚାରପତିଙ୍କୁ ଧନ୍ୟବାଦ ଦେଇଥିଲେ। ଆଉ କହିଥିଲେ ଯେ ମୋ ସହିତ ବହୁତ ଖରାପ ବ୍ୟବହାର କରାଯାଇଥିଲା। ଏହା ଆପଣଙ୍କୁ ଅନେକ ଥର କହି ସାରିଛି। ତେବେ ଆଜିର ବିଚାର ପାଇଁ ମୁଁ ଆପଣଙ୍କୁ ବହୁତ ଧନ୍ୟବାଦ ଜଣାଉଛି। ସୂଚନା ଥାଉକି ଏହା ପୂର୍ବରୁ ମଧ୍ୟ ଟ୍ରମ୍ପ ନିଜକୁ ନିର୍ଦ୍ଦୋଷ ବୋଲି ବାରମ୍ବାର କହି ଆସିଛନ୍ତି। ତାଙ୍କ ବିରୋଧରେ ଲଗାଇଥିବା ସମସ୍ତ ଅଭିଯୋଗ ଭିତ୍ତିହୀନ ବୋଲି ଟ୍ରମ୍ପ କହି ଆସୁଥିଲେ।
