ପଟ୍ଟାମୁଣ୍ଡାଇ ୩।୧୨: ଗତ ୩ ଦିନ ତଳେ ଫିଲ୍ମ ଷ୍ଟାଇଲରେ କାର୍ ଚୋରି ଘଟଣାର ପର୍ଦ୍ଦାଫାଶ । ଦୁଇ ଅଭିଯୁକ୍ତଙ୍କୁ ଗିରଫ କରିଛି ପଟ୍ଟାମୁଣ୍ଡାଇ ପୋଲିସ । 

ସୂଚନାଯୋଗ୍ୟ ଯେ, ଗତ ୨୯ ତାରିଖରେ ଜଣେ ଦୁର୍ବୃତ୍ତ ଗ୍ରାହକ ସାଜି ଆସି ପଟ୍ଟାମୁଣ୍ଡାଇ ବାଲିପଡ଼ାରେ ଥିବା ବିଶ୍ୱରଞ୍ଜନଙ୍କ ଦୋକାନରେ ରଡ଼ର ମୂଲ୍ୟ ବୁଝିଥିଲେ । ପରବର୍ତ୍ତୀ ସମୟରେ ଦୋକାନ ମାଲିକଙ୍କ ଅନ୍ୟ ମନସ୍କର ସୁଯୋଗ ନେଇ ଅଭିଯୁକ୍ତ କାର୍ ଚାବି ଚୋରାଇ ନେବାରେ ସଫଳ ହେବା ସହିତ କାର୍ ଚୋରି କରିଥିଲା । ଦିନ ଦ୍ବିପ୍ରହରରେ କାର୍ ଚୋରି ଘଟଣା ଘଟିବା ପରେ ପଟ୍ଟାମୁଣ୍ଡାଇ ବ୍ୟବସାୟୀ ମାନଙ୍କ ମଧ୍ୟରେ ଛନକା ପଶିଥିଲା । ଏହି ଘଟଣାକୁ ପୋଲିସ ଗୁରୁତ୍ବର ସହ ନେଇ ତଦନ୍ତ ଆରମ୍ଭ କରିବା ସହିତ  ଆସାମୀକୁ ଗିରଫ କରିବାରେ ସଫଳ ହୋଇଥିଲା । ଦୁଇ ଅଭିଯୁକ୍ତ ପଟ୍ଟାମୁଣ୍ଡାଇ ଅଞ୍ଚଳର । ଅଭିଯୁକ୍ତକୁ ଧରିବା ସହିତ ଅଧିକ ପଚରାଉଚରା କରିବା ପରେ ଗାଡିଟିକୁ ଭୁବନେଶ୍ୱରରୁ ଜବତ କରିଥିଲା । ଘଟଣାରେ ପୋଲିସ ଦୁଇ ଜଣଙ୍କୁ କୋର୍ଟ ଚାଲାଣ କରିଥିବା କେନ୍ଦ୍ରାପଡ଼ା ଅତିରିକ୍ତ ଆରକ୍ଷୀ ଅଧିକ୍ଷକ ଦେବାଶିଷ ଧଳ ସୂଚନା ଦେଇଛନ୍ତି । ସେପଟେ ପୋଲିସର ତ୍ୱରିତ କାର୍ଯ୍ୟ ଓ ସଫଳତା ପାଇଁ ପଟ୍ଟାମୁଣ୍ଡାଇ ପୋଲିସକୁ ଧନ୍ୟବାଦ ଜଣାଇଛନ୍ତି କାର୍ ମାଲିକ ବିଶ୍ୱରଂଜନ ପାତ୍ର ।

You Can Read:

ପୁରୀରେ ଆୟୋଜିତ ନୌସେନା ଦିବସରେ ଯୋଗଦେବେ ରାଷ୍ଟ୍ରପତି, ବନ୍ଦ ରହିବ ଶିକ୍ଷାନୁଷ୍ଠାନ