ଆନନ୍ଦପୁର ୦୨।୦୧ : ବନବିଭାଗକୁ ସଫଳତା । ସଂରକ୍ଷିତ ଜଙ୍ଗଲରୁ ଦୁଇ ଶିକାରୀ ଗିରଫ କରିଛି ବନବିଭାଗ । ଏହାସହିତ ମାରଣାସ୍ତ୍ର ଏବଂ ଫାଶ ମଧ୍ୟ ଜବତ ହୋଇଛି । ଆନନ୍ଦପୁର ବନ୍ୟପ୍ରାଣୀ ବନଖଣ୍ଡ ବରାଙ୍ଗ ସଂରକ୍ଷିତ ଜଙ୍ଗଲରେ ପାଟ୍ରୋଲିଂ ବେଳେ ଗିରଫ କରିଛି ବନବିଭାଗ ଟିମ୍ ।
ଖବର ଅନୁଯାୟୀ, ଆନନ୍ଦପୁର ବନ୍ୟପ୍ରାଣୀ ବନଖଣ୍ଡ ବରାଙ୍ଗ ସଂରକ୍ଷିତ ଜଙ୍ଗଲରେ ଦୁଇ ଜଣ ଯୁବକ ବୁଧବାର ରାତିରେ ବୁଲୁଥିଲେ। ଏହି ସମୟରେ ପାଟ୍ରୋଲିଂ କରୁଥିବା ବନବିଭାଗର ପାଟ୍ରୋଲିଂ ଟିମ୍ ଦୁଇ ଜଣ ଯୁବକଙ୍କୁ ଗିରଫ କରିଛି । ଏଥିସହ ସେମାନଙ୍କ ନିକଟରୁ ୨ଟି କତା ଓ ଗୋଟିଏ ଜନ୍ତୁ ଶିକାରରେ ବ୍ୟବହାର ହେଉଥିବା ଫାଶ ଜବତ ହୋଇଛି । ସେପଟେ ଉଭୟଙ୍କୁ ଅଟକ ରଖି ଜେରା କରୁଛି ବନବିଭାଗର ଟିମ୍ । ଅଭିଯୁକ୍ତମାନେ ସ୍ଥାନୀୟ ନୁଆମାଳିଆ ଗାଁର ହୋଇଥିବା ବେଳେ ଉଭୟଙ୍କୁ କୋର୍ଟ ଚାଲାଣ କରାଯିବ ବୋଲି କହିଛନ୍ତି ଆନନ୍ଦପୁର ରେଞ୍ଜ ଅଧିକାରୀ ।
