ନବରଙ୍ଗପୁର ୨୨।୧୨ : ନବରଙ୍ଗପୁର ସହର ଗ୍ଲେଜ ହୋଟେଲ୍ ନିକଟରେ ଦୁର୍ଘଟଣା । ସ୍କୁଟି- ବାଇକ୍ ମଧ୍ୟରେ ମୁହାଁମୁହିଁ ଧକ୍କାରେ ଚାଲିଯାଇଛି ଦୁଇ ଜଣଙ୍କର ଜୀବନ । ମୃତକ ଦୁଇ ଜଣେ ହେଲେ ଅମିତ ବାଘ ଓ ତ୍ରିଲୋଚନ ଯାନୀ ବୋଲି ଜଣାପଡିଛି ।
#ସ୍କୁଟି_ବାଇକ୍_ଧକ୍କା_୨ମୃତ
— Prameya News7 (@NEWS7Odia) December 22, 2024
ସ୍କୁଟି ସହ ବାଇକ୍ ମୁହାଁମୁହିଁ ଧକ୍କାରେ ୨ ମୃତ |
ନବରଙ୍ଗପୁର ଥାନା ଚାଉଁରିଆଗୁଡ଼ା ନିକଟ ହୋଟେଲ ସାମ୍ନାରେ ଦୁର୍ଘଟଣା
ଜଣେ ମୃତକ ସ୍ଥାନୀୟ ଢାବା କର୍ମଚାରୀ, ଅନ୍ୟ ଜଣଙ୍କ ପରିଚୟ ମିଳିନି#Nabarangpur #accident #prameyanews7 pic.twitter.com/8QK7rUaPmd
ଖବର ଅନୁଯାୟୀ, ଅମିତଙ୍କ ଘର ବଡ଼ ଡାଇଭଟ୍ଟା ହୋଇଥିବା ବେଳେ ତ୍ରିଲୋଚନର ଘର ନବରଙ୍ଗପୁର ସହରରେ । ତ୍ରିଲୋଚନ ଯାନୀ ସହର ଉପକଣ୍ଠ ପୋଡଶୀ କୋରାପୁଟ ଜିଲ୍ଲାର ଆଉଁଳି ସ୍ଥିତ ଏକ ଢାବାରେ କାମ କରୁଥିବା ବେଳେ ସହରରେ କିଛି କାମ ସାରି ଅମିତ ବଡ଼ ଡାଇଭଟ୍ଟା ସ୍ଥିତ ନିଜ ଘରକୁ ଫେରୁଥିଲେ । ଉଭୟ ଅମିତ ଓ ତ୍ରିଲୋଚନ ନିଜ ନିଜ ବାଇକ୍ରେ ଫେରୁଥିବା ବେଳେ ଗ୍ଲେଜ୍ ହୋଟେଲ୍ ନିକଟରେ ମୁହାଁମୁହିଁ ଧକ୍କା ହୋଇଥିଲା । ଯାହାଫଳରେ ଘଟଣାସ୍ଥଳରେ ହିଁ ଉଭୟଙ୍କର ମୃତ୍ୟୁ ହୋଇଛି ।
ସେପଟେ ଦୁର୍ଘଟଣା ସଂପର୍କରେ ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ପୋଷ୍ଟମର୍ଟମ ରିପୋର୍ଟ ଆସିବା ପରେ ମୃତ୍ୟୁର ସଠିକ କାରଣ ଜଣାପଡିବ ବୋଲି ଆଶା କରାଯାଉଛି । ଏହାସହ ଘଟଣାର ଛାନ୍ଭିନ୍ ମଧ୍ୟ ଜାରି ରଖିଛି ପୋଲିସ ।
