ନୂଆଦିଲ୍ଲୀ ୧୦।୦୪: ସାଧାରଣତଃ ଅଭିନେତାଙ୍କ ପିଲା ଅଭିନୟ କ୍ୟାରିୟର ଚୟନ କରିଥାନ୍ତି । କିନ୍ତୁ କିଛି ଫିଲ୍ମ ତାରକାଙ୍କ ପିଲା ଏପରି ହୋଇଥାନ୍ତି ଯିଏକି ନିଜ ପାଇଁ ଚୟନ କରିଥାନ୍ତି ଭିନ୍ନ ରାସ୍ତା । ଆଉ ତିଆରି କରିଥାନ୍ତି ଅଲଗା ପରିଚୟ । ଏପରି ଜଣେ ଫିଲ୍ମ କଳାକାର ଅଛନ୍ତି ତାମିଲ୍ ଫିଲ୍ମ ଇଣ୍ଡର୍ଷ୍ଟ୍ରିରେ । ନାଁ ହେଉଛି ସୁପରଷ୍ଟାର ଚିନ୍ନି ଜୟନ୍ତ । ସେ ତାମିଲ୍ ଫିଲ୍ମ ଇଣ୍ଡଷ୍ଟ୍ରିରେ ଖୁବ୍ ପରିଚିତ ।
କିନ୍ତୁ ତାଙ୍କ ପୁଅ ନିଜ ପିତାଙ୍କ ରାସ୍ତା ଆପଣାଇ ନାହାନ୍ତି । ସେ ଅଭିନେତା ହେବା ଅପେକ୍ଷା ନିଜ ଦେଶର ସେବା କରିବାକୁ ପସନ୍ଦ କରିଛନ୍ତି । ଏଥିପାଇଁ ସେ ଆପଣାଇଥିଲେ ଭିନ୍ନ ରାସ୍ତା । ସେ ଦେଶସେବା କରିବାକୁ IAS ହେବାକୁ ଚେଷ୍ଠା କରିଥିଲେ । ଚିନ୍ନି ଜୟନ୍ତଙ୍କ ପୁଅ ହେଉଛନ୍ତି IAS ଶୃତଞ୍ଜୟ କୃଷ୍ଣମୂର୍ତ୍ତି ନାରାୟଣ । ଶୃତଞ୍ଜୟ ନିଜ ପିତାଙ୍କ ରାସ୍ତାରେ ଚାଲିବା ପରିବର୍ତ୍ତେ IAS ହେବାକୁ ସ୍ବପ୍ନ ଦେଖିଥିଲେ ।
ନିଜ ସ୍ବପ୍ନକୁ ପୁରଣ କରିବାକୁ ଦିନରାତି ଏକ କରି ଦେଇଥିଲେ ସେ । ଶୃତଞ୍ଜୟ ପିଲାଦିନରୁ ପାଠପଢାରେ ଖୁବ୍ ଭଲ ଥିଲେ । ଗୁଇଣ୍ଡି ଇଞ୍ଜିନିୟରିଂ କଲେଜ୍ ସ୍ନାତକ ଡିଗ୍ରୀ ହାସଲ କରିଥିଲେ। ଏହାପରେ ସେ ପ୍ରସିଦ୍ଧ ଅଶୋକା ବିଶ୍ୱବିଦ୍ୟାଳୟରୁ ମାଷ୍ଟର ଡିଗ୍ରୀ ହାସଲ କରିଥିଲେ । ଅଧ୍ୟୟନ ସମାପ୍ତ କରିବା ପରେ ଶୃତଞ୍ଜୟ ଏକ ଷ୍ଟାର୍ଟ ଅପ୍ କମ୍ପାନୀରେ କାମ କରିବା ମଧ୍ୟ ଆରମ୍ଭ କରିଥିଲେ ।
ଏହି ସମୟରେ ହିଁ ତାଙ୍କ ମନକୁ ଆସିଥିଲା ୟୁପିଏସି ପାଇଁ ପ୍ରସ୍ତୁତି କରିବା । ଏହାପରେ ସେ ଆରମ୍ଭ କରିଥିଲେ ପ୍ରସ୍ତୁତି । ଶୃତଞ୍ଜୟ ଯେତେବେଳେ ପ୍ରଥମଥର UPSC ପରୀକ୍ଷା ଦେଇଥିଲେ ସେତେବେଳେ ସେ ଫେଲ୍ ମାରିଥିଲେ । କିନ୍ତୁ ସେ ହାର୍ ମାନିନଥିଲେ । ୨୦୧୫ରେ ପୁନର୍ବାର ପ୍ରୟାସ କରିଥିଲେ ଏବଂ ୨ୟ ପ୍ରୟାସରେ କ୍ରାକ୍ କରିଥିଲେ UPSC ପରୀକ୍ଷା । ସେ ଅଲ୍ ଇଣ୍ଡିାରେ ୭୫ ରାଙ୍କ୍ରେ UPSC କ୍ରାକ୍ କରିଥିଲେ।
ଶୃତଞ୍ଜୟ ପ୍ରତିଦିନ ୧୦-୧୫ ଘଣ୍ଟା ପାଠ ପଢୁଥିଲେ ଏବଂ ନାଇଟ୍ ସିଫ୍ଟରେ ଚାକିରୀ କରୁଥିଲେ । ବର୍ତ୍ତମାନ ଶୃତଞ୍ଜୟ ଆଡିସନାଲ୍ କଲେକ୍ଟର ଭାବେ ତାମିଲନାଡୁରେ କାର୍ଯ୍ୟରତ ଅଛନ୍ତି । ତେବେ ଶୃତଞ୍ଜୟ ପିତାଙ୍କର କଳା ରଖିଛନ୍ତି । ସେ ନିଜ ସ୍କୁଲ୍ ଏବଂ କଲେଜ ସମୟରେ ନାଟକରେ ଭାଗ ନେଉଥିଲେ । ଯଦିଓ ଶୃତଞ୍ଜୟ ଏହି କଳାକୁ ନିଜ କ୍ୟାରିୟର୍ ରୂପେ ନବାଛି ଦେଶ ସେବାକୁ ଚୟନ କରିଥିଲେ। ସେ IAS ଅଫିସର ହେବା ପୂର୍ବରୁ ବି ଫିଲ୍ମ ଦୁନିଆରେ କେବେବି ପାଦ ରଖିନାହାନ୍ତି ।
