ଭୁବନେଶ୍ବର ୧୨।୯: ବନ୍ଧାହେଲେ ଜଳ ସମ୍ପଦ ବିଭାଗ ସହକାରୀ ଯନ୍ତ୍ରୀ । ଭଞ୍ଜନଗର ଜଳ ସମ୍ପଦ ବିଭାଗର ସହକାରୀ ଯନ୍ତ୍ରୀ ଗିରଫ ହୋଇଛନ୍ତି । ସହକାରୀ ଯନ୍ତ୍ରୀ ପ୍ରସନ୍ନ କୁମାର ସ୍ବାଇଁଙ୍କୁ ଗିରଫ କରିଛି ଭିଜିଲାନ୍ସ ବିଭାଗ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବୁଧବାର ସହକାରୀ ଯନ୍ତ୍ରୀଙ୍କ ବିଭିନ୍ନ ଠିକଣାରେ ରେଡ୍ କରିଥିଲା ଭିଜିଲାନ୍ସ । ଚଢାଉ ବେଳେ ୬ଟି ବହୁତଳ କୋଠା ସହ ୫ଟି ପ୍ଲଟ୍ ଠାବ କରିଥିଲା ଭିଜିଲାନ୍ସ ଟିମ୍ ।
ସହକାରୀ ଯନ୍ତ୍ରୀଙ୍କ ଜବତ ସମ୍ପତ୍ତି ମଧ୍ୟରେ ରହିଛି, ବ୍ରହ୍ମପୁର ତୁଳସୀନଗରରେ ୨.୪ କୋଟି ଟଙ୍କାର ୧୦,୪୦୦ ବର୍ଗଫୁଟରେ ଥିବା ୪ ମହଲା କୋଠା । ଭଞ୍ଜନଗର ବାଗଦେବୀ ରୋଡ୍ରେ ୨.୩ କୋଟି ଟଙ୍କା ମୂଲ୍ୟର ୯,୫୦୦ ବର୍ଗଫୁଟର ଆଉ ଏକ ୪ ମହଲା କୋଠା । ବାଗଦେବୀ ରୋଡ୍ରେ ୩୧୧୮ ବର୍ଗଫୁଟର ଆଉ ଏକ ୩ ମହଲା କୋଠା ଠାବ ହୋଇଛି । ଭଞ୍ଜନଗରରେ ୪ ହଜାର ବର୍ଗଫୁଟ୍ର ଆଉ ଏକ ୩ ମହଲା ଘର ରହିଛି । ଭଞ୍ଜନଗର ଏନ୍ଏସି ୱାର୍ଡ ନମ୍ବର-୬ରେ ୫୮୫୦ ବର୍ଗଫୁଟ୍ରେ ଦୁଇ ମହଲା ଘର ନିର୍ମାଣ ଚାଲିଛି । ଲୁଡୁଲୁଡି ଗାଁରେ ୨ ମହଲା ଘର ଠାବ ହୋଇଛି । ଏହା ବ୍ୟତୀତ ଭଞ୍ଜନଗର ଓ ବ୍ରହ୍ମପୁରରେ ୪ଟି ଦାମୀ ପ୍ଲଟ୍ ଠାବ ହୋଇଛି । ଯାହାର ମୂଲ୍ୟ ଭିଜିଲାନ୍ସ ଆକଳନ କରୁଛି । ଅସ୍ଥାବର ସମ୍ପତ୍ତି ମଧ୍ୟରେ ରହିଛି ୨ ଶହ ଗ୍ରାମ୍ ସୁନା ଅଳଙ୍କାର, ୨୪ ଲକ୍ଷ ଟଙ୍କାର ବ୍ୟାଙ୍କ ଜମା ଓ ବୀମା ।
You Can Read:
