ନିଶ୍ଚିନ୍ତକୋଇଲି ୩୦।୦୧ : କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ଅସୁରେସ୍ୱର ନିକଟରେ ଥିବା ବେଆଇନ୍ କରତକଳ ଉପରେ ଚଢାଉ । ଭିଜିଲାନ୍ସର ୧୦ ଜଣିଆ ଟିମ୍ ଏକାସାଙ୍ଗେ ଚଢାଉ ହୋଇଛି । ଏହି ଚଢାଉରେ ବିପୁଳ ପରିମାଣର କାଠ ସହ ବିଭିନ୍ନ ସାମଗ୍ରୀ ଜବତ ହୋଇଛି ।
ଖବର ଅନୁଯାୟୀ, ନିଶ୍ଚିନ୍ତକୋଇଲି ଥାନା ଅସୁରେସ୍ୱର ଅଞ୍ଚଳରେ ବେଆଇନ୍ ଭାବେ ଅନେକ କରତକଳ ଚାଲୁଥିଲା । ଯାହା ପାଇଁ ଅତୀତରେ ଅନେକ ଥର ରେଡ୍ ମଧ୍ୟ ହୋଇଛି । ହେଲେ ଚଢାଉ ସରିବାର କିଛି ଦିନ ପରେ ପୁଣି ଥରେ ଲୁଚାଛପାରେ ଆରମ୍ଭ କରୁଥିଲେ କରତକଳ । ଆଉ ଏବେ ଗୁରୁବାର ଦିନ ସକାଳୁ ସକାଳୁ ଭିଜିଲାନ୍ସର ୧୦ ଜଣିଆ ଟିମ୍ ଏହି ବେଆଇନ୍ କରତକଳ ଉପରେ ଚଢାଉ କରିଛି । ଏହି ଚଢାଉରେ ବନବିଭାଗ ଓ ସ୍ଥାନୀୟ ପୋଲିସ ସାମିଲ ଅଛନ୍ତି । ତେବେ ଚଢାଉରେ ବିପୁଳ ପରିମାଣର କାଠ ଓ ଲକ୍ଷାଧିକ ଟଙ୍କାର କାଠ ଚିରା ମେସିନ୍ ଜବତ ହୋଇଛି । କରତକଳ ମାଲିକଙ୍କୁ ଅଟକ ରଖି ଜେରା କରୁଛନ୍ତି ଭିଜିଲାନ୍ସ ଏବଂ ପୋଲିସ ।
