ଭଦ୍ରକ ୧୮।୦୩ : ଘରୁ ଉଠାଇ ନେଇ ମାଡ଼ ମାରିଥିବା ଅଭିଯୋଗ। ନ୍ୟାୟ ଦାବିରେ ଥାନା ଘେରିଲେ ଗାଁ ଲୋକ । କୌଣସି ବିବାଦ ନଥାଇ ଜଣେ ଯୁବକଙ୍କୁ ଘରୁ ଉଠାଇ ନେଇ ନିର୍ଘାତ ମାଡ଼ ମାରିଛନ୍ତି । କେବଳେ ସେତିକି ନୁହେଁ କିଛି ସମୟ ପରେ ଆଉ ଜଣେ ଯୁବକଙ୍କର ମଧ୍ୟ ସମାନ ଅବସ୍ଥା କରାଯାଇଛି । ଦୁଇ ଦିନ ଘରେ ରହିବା ପରେ ଗ୍ରାମବାସୀଙ୍କ ସହଯୋଗରେ ଥାନାରେ ଅଭିଯୋଗ କରିଛନ୍ତି ଯୁବକ । ଭଦ୍ରକ ଜିଲ୍ଲା ତିହିଡ଼ି ଥାନା ବରୁଣେଇ ଗାଁରୁ ଆସିଛି ଏମିତି ଘଟଣା ।
ଥାନାରେ ହୋଇଥିବା ଅଭିଯୋଗ ଅନୁସାରେ, ସ୍ଥାନୀୟ ପାଳିଆ କଲେଜ ନିକଟ ଏକ ଦୋକାନରେ କାର୍ଯ୍ୟରତ ଥିବା ବେଳେ ଅଭିଯୁକ୍ତ ଭଗବାନ ଓ ତାର ସହଯୋଗୀମାନେ ଏକାଠି ଆସିଥିଲେ । ଦୀର୍ଘ ସମୟ ଧରି ଗାଳିଗୁଲଜ କରିବା ସହ ନିକଟରେ ଥିବା ବାସଗୃହକୁ ନେଇ ମାଡ଼ ମାରିଥିଲେ । ଘଟଣା ସଂପର୍କରେ ଥାନାରେ ଅଭିଯୋଗ କରିଲେ ଜୀବନରୁ ମାରିଦେବାକୁ ମଧ୍ୟ ଧମକ ଦେଇଥିଲେ ଭଗବାନ ଓ ତାର ସହଯୋଗୀ । କୌଣସି କ୍ରମେ ସେଠାରୁ ଖସି ଆସି ଘରେ ପହଞ୍ଚିଥିଲେ ପୀଡିତ। ପରେ ଗାଁ ଲୋକଙ୍କ ସହାୟତାରେ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ପରେ ମାମଲା ରୁଜୁ କରି ତଦନ୍ତ ଜାରି ରଖିଛି ପୋଲିସ ।
ରିମାଣ୍ଡରେ ଯିବ ରାଜା ଚକ୍ର, ୫ ଦିନିଆ ରିମାଣ୍ଡରେ ନେବା ପାଇଁ ଇଓଡବ୍ଲୁର ଆବେଦନ
