ଭୁବନେଶ୍ବର ୧୫।୯: ରସିକିଆ ପ୍ରେମିକକୁ ନିର୍ଧୁମ ମାଡ଼ । କ୍ରାଇମବ୍ରାଞ୍ଚ ଦ୍ୱାରା ରସିକିଆ ପ୍ରେମିକ ବିରଞ୍ଚି ନାରାୟଣ ନାଥ ଗିରଫ ପରେ ସାମ୍ନାକୁ ଆସିଲା ବିରଞ୍ଚିର ଠକାମୀ ପରର ଭିଡିଓ । ଜଣେ ଯୁବତୀଙ୍କୁ ବିବାହ ନାଁରେ ଠକିଥିଲା ବିରଞ୍ଚି । ଠକ ବିରଞ୍ଚିକୁ ଧରିବା ପରେ ନିର୍ଧୁମ ଛେଚିଲେ ଯୁବତୀଙ୍କ ପରିବାର ।
ନିଜକୁ MCLରେ ଚାକିରି କରିଥିବା କହି ଯୁବତୀଙ୍କ ସହ ପ୍ରେମ ସମ୍ପର୍କ ଆରମ୍ଭ କରିଥିଲା । ପରେ ବିବାହ ନାଁରେ ଠକିଥିଲା ବିରଞ୍ଚି । ବିରଞ୍ଚିର ସତ ଜଣା ପଡିବା ପରେ ତାକୁ କାବୁ କରି ରୁମ୍ ଭିତରେ ମାଡ଼ ମାରିଥିଲେ ଯୁବତୀଙ୍କ ପରିବାର । କେମିତି ମିଛ କହି ଠକୁଥିଲା ବଖାଣିଛି ବିରଞ୍ଚି ।
ଗତ ଶୁକ୍ରବାର ବିରଞ୍ଚିକୁ ଗିରଫ କରିଥିଲା କ୍ରାଇମବ୍ରାଞ୍ଚ । ସେକେଣ୍ଡ ମ୍ୟାରେଜ ନାଁରେ ମାଟ୍ରିମୋନିଆଲ ସାଇଟ୍ରେ ଫେକ୍ ଆକାଉଣ୍ଟ ଖୋଲି ବିବାହ ପ୍ରସ୍ତାବ ଦେଉଥିଲା । ନିଜକୁ ରେଲୱେ ଅଧିକାରୀ, ଇନକମ ଟ୍ୟାକ୍ସ ଅଧିକାରୀ, କଷ୍ଟମ ଅଧିକାରୀ ପରିଚୟ ଦେଉଥିଲା ।
ମହିଳାଙ୍କୁ ବିବାହ କରି ବ୍ଲାକମେଲିଂ କରୁଥିଲା ବିରଞ୍ଚି । ବିବାହ ପରେ ଅନ୍ତରଙ୍ଗ ମୁହୂର୍ତ୍ତର ଭିଡିଓ କରି ବ୍ଲାକମେଲିଂ କରି ଟଙ୍କା ମାଗୁଥିଲା । ଟଙ୍କା ନଦେଲେ ଭିଡିଓ ଭାଇରାଲ୍ କରିବାକୁ ଧମକ ଦେଉଥିଲା । ବିରଞ୍ଚିର ଘର ଅନୁଗୁଳ ଜିଲ୍ଲା ଛେଣ୍ଡିପଦା ଅଞ୍ଚଳରେ ।
You Can Read:
ଏଭରଗ୍ରୀନ୍ ଚା’ର ବ୍ରାଣ୍ଡ ଆମ୍ବାସଡର ହେଲେ ଟିମ୍ ଇଣ୍ଡିଆର ସଫଳ ସ୍ପିନର କୁଲଦୀପ ଯାଦବ