ଚଣ୍ଡିଖୋଲ ୦୫।୦୯ : ନାଳରୁ ମିଳିଲା କଲେଜ ଛାତ୍ରଙ୍କ ମୃତଦେହ । ପ୍ରେମ ବ୍ୟାପରକୁ ନେଇ ହତ୍ୟା କରାଯାଇଥିବା ଅଭିଯୋଗ ହୋଇଛି । ଯାଜପୁର ଜିଲ୍ଲା ଧର୍ମଶାଳା ଥାନା ରଥିଆ ନିକଟ ଶଗଡ଼ିଆ ନାଳରୁ ମିଳିଛି ମୃତଦେହ ।
ଖବର ଅନୁଯାୟୀ, ଗୁରୁବାର ସକାଳୁ ଶଗଡିଆ ନାଳରୁ ଜଣେ ଯୁବକଙ୍କ ମୃତଦେହ ମିଳିଥିଲା । ମୃତକଙ୍କ ନାମ ରୁଦ୍ର ପ୍ରସାହ ବେହେରା, ତାଙ୍କ ଘର ଯାଜପୁର ଜିଲ୍ଲା ଅଭୟପୁର ଗାଁର ବୋଲି ଜଣାପଡିଛି । ରୁଦ୍ର ଦୁଇ ଦିନ ତଳେ ଘରୁ କୌଣସି କାମ ଯାଇ ନିଖୋଜ ଥିଲେ । ପରିବାର ଲୋକ ବହୁ ଖୋଜାଖୋଜି ପରେ ବି ରୁଦ୍ରଙ୍କର କିଛି ପତ୍ତା ମିଳିନଥିଲା । ଶେଷରେ ଧର୍ମଶାଳା ଥାନାରେ ଲିଖି ଅଭିଯୋଗ । ଆଉ ଅଭିଯୋଗ ପରେ ଆଜି ମାନେ ଗୁରୁବାର ଦିନ ତାଙ୍କର ମୃତଦେହ ଠାବ ହୋଇଥିଲା । ରୁଦ୍ର କଲେଜରେ ପାଠ ପଢୁଥିବା ବେଳେ ତାଙ୍କୁ ପ୍ରେମ ବ୍ୟାପାରକୁ ନେଇ ହତ୍ୟା କରାଯାଇଥିବା ଅଭିଯୋଗ କରିଛନ୍ତି ପରିବାର ଲୋକ । ଧର୍ମଶାଳା ଥାନାରେ ଅଭିଯୋଗରେ ପୋଲିସ ତଦନ୍ତ ଜାରି ରଖିଛି ।
