ଭୋଗରାଇ ୧୬।୧୧ : ଖତ ଗଦାରୁ ମିଳିଲା ବିଡା ବିଡା ଟଙ୍କା । ଖତ ଗଦାରୁ ପ୍ରାୟ ୧୦ ଲକ୍ଷରୁ ଅଧିକ ଟଙ୍କା ଜବତ କରିଛି ପୋଲିସ । ଏହା ସହିତ ଘଟଣାରେ ଦୁଇ ଜଣଙ୍କୁ ଅଟକ ରଖିଛି ପୋଲିସ ।
ଖବର ଅନୁଯାୟୀ, ହାଇଦ୍ରାବାଦର ଆଗ୍ରୋ ଇଣ୍ଡଷ୍ଟ୍ରିରୁ ୨୧ ଲକ୍ଷ ଟଙ୍କା ଚୋରି ହୋଇଥିଲା । ଏହାପରେ ହାଇଦ୍ରାବାଦ ପୋଲିସ ଘଟଣାର ଛାନ୍ଭିନ୍ କରିଥିଲା । ପରେ ବାଲେଶ୍ୱର କମର୍ଦ୍ଦା ଥାନା ବଡ଼ମୁଣ୍ଡାରୁଣି ଗାଁରେ ହାଇଦ୍ରାବାଦ ପୋଲିସ ଚଢାଉ କରିଥିଲା । ଆଉ ଖତ ଗଦାରୁ ୧୦ଲକ୍ଷ ଟଙ୍କା ଜବତ କରିଛି । ତେବେ ମିଳିଥିବା ସୂଚନା ଅନୁସାରେ ଆଗ୍ରୋ ଇଣ୍ଡଷ୍ଟ୍ରିଜରୁ ଟଙ୍କା ଚୋରି କରି ଶାଳକ ହାତରେ ପଠାଇଥିଲେ ଭିଣୋଇ । ଆଉ ଶାଳକ ଟଙ୍କା ଆଣି ଘରକୁ ଆସିଥିଲେ, ଘଟଣା ପରଠୁ ଭିଣୋଇ ଫେରାର ଅଛନ୍ତି । ଟଙ୍କା ଜବତ ପରେ ଶାଶୁ ଏବଂ ଶାଳକଙ୍କୁ ଅଟକ ରଖିଛି ପୋଲିସ ।
