ଭୁବନେଶ୍ବର ୫।୪: ଚଳିତ ବର୍ଷ ରେକର୍ଡ ୭୪ ଲକ୍ଷ ମେଟ୍ରିକ୍ ଟନ୍ ଧାନ କିଣିଛନ୍ତି ରାଜ୍ୟ ସରକାର । ଏ ନେଇ ଖାଦ୍ୟ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ସୂଚନା ଦେଇଛନ୍ତି । ଗତ ବର୍ଷ ୫୮ ଲକ୍ଷ ମେଟ୍ରିକ ଟନ୍ ଧାନ କିଣାଯାଇଥିଲା । ଚଳିତ ବର୍ଷ ଅଧିକ ୧୬ ଲକ୍ଷ ମେଟ୍ରିକ ଟନ୍ ଧାନ ବିକ୍ରି କରିଛନ୍ତି ଚାଷୀ । କ୍ବିଣ୍ଟାଲ ପିଛା ୨୩୦୦ ଟଙ୍କା ହିସାବରେ ୧୬ ହଜାର ୮୯୯ କୋଟି ଟଙ୍କା ଚାଷୀଙ୍କୁ ଦେଇଛନ୍ତି ସରକାର । ଏହାସହ ୮୦୦ ଟଙ୍କା ଇନପୁଟ ଆସିଷ୍ଟାଣ୍ଟ ହିସାବରେ ୫ ହଜାର ୮୭୮ କୋଟି ଟଙ୍କା ଚାଷୀ ପାଇଛନ୍ତି । ମୋଟ୍ ୨୨ ହଜାର ୭୭୭ କୋଟି ଟଙ୍କା ଚାଷୀଙ୍କୁ ମିଳିଛି । ଏଥର ୧୭ ଲକ୍ଷ ୫୦ ହଜାର ଚାଷୀ ଧାନ ବିକ୍ରି କରିଛନ୍ତି । ୪୮ ଘଣ୍ଟା ଭିତରେ ଚାଷୀଙ୍କ ଆକାଉଣ୍ଟକୁ ଯାଇଛି ଟଙ୍କା । 

ଗତ ବର୍ଷ ୪ ଲକ୍ଷ ଚାଷୀଙ୍କ ଟୋକନ ଲାପ୍ସ ହୋଇଥିଲା । ଚଳିତ ଥର କୌଣସି ଚାଷୀ ଟୋକନ ପାଇଁ ମନ ଦୁଃଖ କରିନାହାନ୍ତି । ଟୋକନ ମିଳିଲେ ପ୍ରଥମ ମାସ ସମୟ ସରକାର ଦେଲେ । ତାପରେ ଜିଲ୍ଲାପାଳଙ୍କୁ ୧୫ ଦିନ ସମୟ ଦିଆଗଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କୃଷକଙ୍କ ଆୟ ଦୁଇ ଗୁଣ କରିବା ପାଇଁ ଘୋଷଣା କରିଥିଲେ । ଏମଏସପି ୨୩୦୦ ଟଙ୍କା କଲେ । ମୁଖ୍ୟମନ୍ତ୍ରୀ ପ୍ରତି କ୍ବିଣ୍ଟାଲ ୮୦୦ ଟଙ୍କା ଇନପୁଟ ସହାୟତା ଦେଲେ । କୃଷକ ଖୁସି ହେଲେ ସମାଜ ଖୁସି ହେଉଛି ।

You Can Read:

ଶାଶୁଘର ଲୋକ କହୁଛନ୍ତି ଆତ୍ମହତ୍ୟା କରିଛି ବୋହୂ, ହତ୍ୟା ଆଣିଲେ ବାପଘର