ଖୋର୍ଦ୍ଧା: ମୁଁ ରାମଚନ୍ଦ୍ର ବଡ଼ଜେନା। ମୋ ଘର କୁମ୍ଭାରବସ୍ତ। ମୋ ସ୍ତ୍ରୀ ପାଇଁ ମୁଁ ଆଜି ସୁଇସାଇଡ କରୁଛି। ଏମିତି ଏକ ଭିଡିଓ ମୋବାଇଲରୁ ମୋବାଇଲ ଘୁରି ବୁଲୁଛି। ଏଭଳି ଏକ ଅଭାବନୀୟ ଘଟଣା ଘଟିଛି ଖୋର୍ଦ୍ଧା ଶିଳ୍ପାଂଚଳ ଥାନା ଅନ୍ତର୍ଗତ କୁମାରବସ୍ତ ଗ୍ରାମରେ। ଶୁଣନ୍ତୁ ସମ୍ପୂର୍ଣ୍ଣ ଏହି ଭିଡିଓ କଣ କହୁଛନ୍ତି।
ଶୁକ୍ରବାର ରାତିରେ ଜଂକିଆ ଥାନା ଅନ୍ତର୍ଗତ ନରଣଗଡ଼ ଟ୍ରେନ ଲାଇନ ରେ ଏକ ଯୁବକ ର ମୃତଦେହ ମିଳିଥିଲା। ଏହା ରାମଚନ୍ଦ୍ରଙ୍କ ବୋଲି ଜଣାପଡିଥିଲା। ମୃତ ଦେହ କୁ ରାମଚନ୍ଦ୍ର ପରିବାର ଲୋକ ଚିହ୍ନଟ କରିଥିଲେ। ରାମଚନ୍ଦ୍ର ଜଂକିଆ ଥାନା ଅଞ୍ଚଳରେ ବିବାହ କରିଥିଲେ। ତାଙ୍କର ଏକ କନ୍ୟା ସନ୍ତାନ ମଧ୍ୟ ଅଛି। ଦାମ୍ପତ୍ୟ କଳହ ଘଟି ସ୍ତ୍ରୀ ର ନିର୍ଯ୍ୟାତନା ଅସହ୍ୟ ହେବାରୁ ମୋବାଇଲ ରେ ନିଜ ଭିଡିଓ ଉତ୍ତୋଳନ କରି ସୋସିଆଲ ମିଡିଆରେ ପଠାଇ ଟ୍ରେନ ଆଗକୁ ଯାଇ ଆତ୍ମହତ୍ୟା କରିଛନ୍ତି।
ଆତ୍ମହତ୍ୟା ପୂର୍ବରୁ ଯୁବକ ଜଣକ ଭିଡିଓରେ କହିଛନ୍ତି, ମୋ ସ୍ତ୍ରୀର ମାଆ ସଞ୍ଜୁ ପାଟ୍ଟଶାଣୀ ଏବଂ ତା ଭଉଣୀ ସୋନାଲି ପାଟ୍ଟଶାଣୀ କହିଥିଲେ ଗୋଟିଏ ବର୍ଷ ଭିତରେ ଜାଗା ବିକିବେ ନ ହେଲେ ମୋ ନାଁରେ କରିବେ, ଆଉ ମୋତେ ପଇସା ଦେବେ। ପଇସା ପତ୍ର ନ ଦିଅନ୍ତୁ, ମୁଁ କିଛି ଆପତ୍ତି କରିନି। ତଥାପି ମୋ ଶାଶୁ ସଞ୍ଜୁ ପାଟ୍ଟଶାଣୀ ମୋ ସ୍ତ୍ରୀ ରୂପାକୁ ଫୋର୍ସ କରୁଛି ତୁ ତାଙ୍କ ଘରେ କଳହ ସୃଷ୍ଟି କର। ତା ସହ ଛାଡ଼ପତ୍ର ଦେବାକୁ ମୋ ସ୍ତ୍ରୀକୁ ଶ୍ଵଶୁର ଘୋର ଲୋକେ ଶିଖାଉଛନ୍ତି। ମୋତେ ଧମକ ଚମକ ଦିଆଯାଉଛି। ମୋର କିଛି ବାଟ ନାହିଁ।
ରେଳ ବିଭାଗ ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ମୃତଙ୍କ ବାପା ମା, ପରିବାର, ସମ୍ପର୍କୀୟ ସମସ୍ତେ ଖୋର୍ଦ୍ଧା ଶିଳ୍ପାଞ୍ଚଳ ଥାନା ରେ ପହଞ୍ଚି ଅଭିଯୋଗ କରିଛନ୍ତି। ପୋଲିସ ତଦନ୍ତ ଜାରି ରଖିଛି। ଏହି ଘଟଣା ଖୋର୍ଦ୍ଧା ଜିଲ୍ଲାରେ ଚାଞ୍ଚଲ୍ୟ ଖେଳାଇ ଦେଇଛି।
