କଟକ ୨୬।୩: ମାଲଗୋଦାମ ବ୍ୟବସାୟୀଙ୍କୁ ବନ୍ଧୁକ ଦେଖାଇ ଲୁଟ୍ ଘଟଣାର ପର୍ଦ୍ଦାଫାଶ କଲା କଟକ କମିସନରେଟ୍ ପୋଲିସ । ଲୁଟ୍ ଘଟଣାର ମାଷ୍ଟରମାଇଣ୍ଡ ବ୍ୟବସାୟୀ ନିରଞ୍ଜନ ଗୋୟାଙ୍କା ଡ୍ରାଇଭର ସହ ସମୁଦାୟ ୩ ଜଣଙ୍କୁ ଗିରଫ କରିଛି ବାଦାମବାଡ଼ି ଥାନା ପୋଲିସ ।
ବାଦାମବାଡ଼ି ବିକାଶ ନଗରରେ ଥିବା ଅପାର୍ଟମେଣ୍ଟରେ ବ୍ୟବସାୟୀ ନିରଞ୍ଜନଙ୍କୁ ବନ୍ଧୁକ ଦେଖାଇ ଲୁଟିଥିଲେ ୫ ଲକ୍ଷ ଟଙ୍କା । ଲୁଟ୍ ପରେ ସମସ୍ତେ ଫେରାର ହୋଇଯାଇଥିଲେ । ତଦନ୍ତ ପାଇଁ କଟକ ଡିସିପିଙ୍କ ନିର୍ଦ୍ଦେଶ କ୍ରମେ ଗଠନ ହୋଇଥିବା ଟିମ୍ ଏହି ୩ ଲୁଟେରାଙ୍କୁ ଗିରଫ କରିବାରେ ସଫଳ ହୋଇଛନ୍ତି । ଅଭିଯୁକ୍ତ ମାନେ ସ୍ମାର୍ଟ ଉପାୟରେ ଏକ ଆପ୍ ଯୋଗେ ପରସ୍ପର ସହ କଥାବାର୍ତ୍ତା ହେଉଥିଲେ । ତେବେ ଏମାନଙ୍କ ନିକଟରୁ ନଗଦ ୩ ଲକ୍ଷ ୫ ହଜାର ଟଙ୍କା, ଖେଳନା ବନ୍ଧୁକ, ୩ଟି ମୋବାଇଲ ଫୋନ୍ ଜବତ କରାଯାଇଛି । ଏହି ଅଭିଯୁକ୍ତମାନେ ପୂର୍ବରୁ ମଧ୍ୟ ଲୁଟ୍ ପାଇଁ ଯୋଜନା କରି ବିଫଳ ହୋଇଥିଲେ ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି କଟକ ଡିସିପି ଖିଲାରୀ ଋଷିକେଶ ଦ୍ୟାନଦେଓ ।
You Can Read:
