ନୂଆଦିଲ୍ଲୀ ୫/୧: ଖାଇକୁ ଖସିଲା ବୋଲେରୋ । ଘଟଣାସ୍ଥଳରେ ୪ ମୃତ । ୨ ନିଖୋଜ । ଜମ୍ମୁ-କାଶ୍ମୀର କିସ୍ତିବାଡା ସ୍ଥିତ ପଦ୍ଦାରରେ ଦୁର୍ଘଟଣା । ବୋଲେରୋରେ ପଦ୍ଦାରରୁ ମାସୁଗାଁ ଅଭିମୁଖେ ଯାଉଥିଲେ ୬ ଜଣ । ଡ୍ରାଇଭର ନିୟନ୍ତ୍ରଣ ହରାଇବାରୁ ହଠାତ ଖାଇକୁ ଖସିପଡିଥିଲା ଗାଡି । ଘଟଣାସ୍ଥଳରେ ୪ ଜଣଙ୍କ ମୃତ୍ୟୁ ହୋଇଛି । ମୃତଦେହକୁ ଉଦ୍ଧାର ପରେ ପୋଷ୍ଟମର୍ଟମ ପାଇଁ ପଠାଯାଇଛି ।
ସେପଟେ ଆଉ ୨ଜଣଙ୍କ ପତ୍ତା ମିଳୁନି । କାରଟି ଯେଉଁ ଖାଇକୁ ଖସିଥିଲା ସେଠି ନଦୀ ଥିବାରୁ ୨ ଜଣ ପାଣିରେ ଭାସିଯାଇଥିବା ସନ୍ଦେହ କରାଯାଉଛି । ମୃତକଙ୍କ ପରିବାରକୁ ସମବେଦନା ଜଣାଇଛନ୍ତି କେନ୍ଦ୍ର ମନ୍ତ୍ରୀ ଡକ୍ଟର ଜିତେନ୍ଦ୍ର ସିଂହ ।
ଶନିବାର ମଧ୍ୟ ଜମ୍ମୁ-କାଶ୍ମୀର ବାନ୍ଦିପୋରା ଜିଲ୍ଲାରେ ସେନାର ଏକ ଟ୍ରକ ଖାଇକୁ ଖସିପଡିଥିଲା । ଦୁର୍ଘଟଣାରେ ୪ ଜଣ ସୈନିକଙ୍କ ମୃତ୍ୟୁ ହୋଇଥିବାବେଳେ ୩ ଜଣ ଆହତ ହୋଇଥିଲେ ।
