ନୂଆଦିଲ୍ଲୀ ୬।୧୧: ଡୋନାଲ୍ଡ ଟ୍ରମ୍ପ ପୁଣି ଥରେ ଆମେରିକା ରାଷ୍ଟ୍ରପତି ନିର୍ବାଚିତ ହୋଇଛନ୍ତି। ଇଲେକ୍ଟୋରାଲ ଭୋଟ ଗଣତିରେ ଟ୍ରମ୍ପ ବିଜୟୀ ହୋଇଥିବା ସ୍ପଷ୍ଟ ହୋଇଯାଇଛି। ଆମେରିକା ରାଷ୍ଟ୍ରପତି ନିର୍ବାଚନରେ ଶେଷ ପର୍ଯ୍ୟନ୍ତ କମଲା ହ୍ୟାରିସଙ୍କୁ ଜଣେ ମଜଭୁତ ପ୍ରତିଦ୍ୱନ୍ଦ୍ୱୀ ମନେ କରାଯାଉଥିଲା। ହେଲେ ଭୋଟ ପରେ ଯେତେବେଳେ ଗଣନା ଆରମ୍ଭ ହେଲା ଇଲେକ୍ଟୋରାଲ ଭୋଟ ଆଧାରରେ ସେ ବହୁତ ପଛେଇ ଯାଇଥିଲେ। ତେବେ ଆସନ୍ତୁ ଜାଣିବା ସେହି ୫ଟି ଖାସ କାରଣ ଯେଉଁଥି ପାଇଁ ଜିତିଲେ ଟ୍ରମ୍ପ।
ଆର୍ଥିକ ଚିନ୍ତା
ନିର୍ବାଚନରେ ଅନେକ ଭୋଟର ଅର୍ଥ ବ୍ୟବସ୍ଥାକୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ରୂପେ ପ୍ରାଥମିକତା ଦେଇଥାନ୍ତି। ଐତିହାସିକ ରୂପେ ଟ୍ରମ୍ପ ଆର୍ଥିକ ବ୍ୟାପାରରେ ଅଧିକ ଅନୁକୂଳ ଦେଖାଯାଆନ୍ତି। ଭୋଟରଙ୍କ ଏକ ବିଶାଳ ସଂଖ୍ୟା ହ୍ୟାରିସଙ୍କ ତୁଳନାରେ ଟ୍ରମ୍ପଙ୍କ ଆର୍ଥିକ ନୀତି ଉପରେ ବିଶ୍ୱାସ ବ୍ୟକ୍ତ କରିଛନ୍ତି। ଖାସ ଏହି କାରଣରୁ ସ୍ୱାଧୀନ ବିଚାର ରଖୁଥିବା ଭୋଟରଙ୍କ ସ୍ୱିଙ୍ଗ ଭୋଟ ବହୁମାତ୍ରାରେ ଟ୍ରମ୍ପଙ୍କ ଆଡକୁ ଯାଇଛି।
ହ୍ୟାରିସଙ୍କ ଉପରେ ଆସ୍ଥା ରଖିପାରିଲେନି ଭୋଟର
ଟ୍ରମ୍ପ ବିଶେଷ କରି ଶ୍ୱେତାଙ୍ଗ ମତଦାତାଙ୍କ ମଧ୍ୟରେ ଏକ ସ୍ଥିର ଓ ଅନୁକୂଳ ରେଟିଂ କାୟମ ରଖିଛନ୍ତି। ଯାହା ହ୍ୟାରିସଙ୍କ ଉପରେ ପର୍ଯ୍ୟାପ୍ତ ବୃଦ୍ଧି ରଖିଥିଲା। ଏହି ଜନସଂଖ୍ୟାର ସମର୍ଥନ ସ୍ୱିଙ୍ଗ ରାଜ୍ୟମାନଙ୍କରେ ଗୁରୁତ୍ୱପୂର୍ଣ୍ଣ ଥିଲା ଯାହା ନିର୍ବାଚନ ପରିଣାମକୁ ନିର୍ଦ୍ଧାରଣ କରିଛି। ଏହା ଛଡା ଟ୍ରମ୍ପ ନିର୍ବାଚନରେ ଭୋଟରଙ୍କୁ ଏକଜୁଟ ରହିବାକୁ କହୁଥିଲେ। ଏଥିରେ ଟ୍ରମ୍ପଙ୍କ ସହିତ ରହିବାକୁ ଆହ୍ୱାନ ଭୋଟରଙ୍କ ଏକ ବିଶାଳ ବର୍ଗଙ୍କୁ ତାଙ୍କ ଆଡକୁ ଆକର୍ଷିତ କରିଥିଲା। ଏହି ମାମଲାରେ ଆମେରିକାର ଏକ ବିଶାଳ ଜନସଂଖ୍ୟା କମଲା ହ୍ୟାରିସଙ୍କ ଉପରେ ନିଜର ବିଶ୍ୱାସ ସ୍ଥାପନ କରିପାରିଲେ ନାହିଁ।
କମଲାଙ୍କ ନିରାଶଜନକ ଭାଷଣ
ହ୍ୟାରିସଙ୍କୁ ତାଙ୍କ ସଞ୍ଚାର ଶୈଳୀ ପାଇଁ ଏବେ ସମାଲୋଚନାର ସମ୍ମୁଖୀନ ହେବାକୁ ପଡୁଛି। ତାଙ୍କ ଭାଷଣକୁ ଅସ୍ପଷ୍ଟ ଓ ଅନିର୍ଣ୍ଣାୟକ ବୋଲି କୁହାଯାଉଛି। ସାର୍ବଜନିକ ସ୍ଥାନମାନଙ୍କରେ ଉପସ୍ଥିତ ହେଉଥିବା ବେଳେ ହ୍ୟାରିସଙ୍କ ଅସ୍ପଷ୍ଟ ପ୍ରତିକ୍ରିୟା ବୋଧହୁଏ ଭୋଟରଙ୍କୁ ହତାସ କଲା ଓ ଭୋଟର ଦୂରେଇଗଲେ। ସେହିପରି ଜଣେ ପ୍ରାର୍ଥୀଭାବେ ତାଙ୍କ ଯୋଗ୍ୟତାକୁ ନେଇ ମଧ୍ୟ ସେ ଦ୍ୱନ୍ଦ୍ୱରେ ଥିଲେ। ଏହାର ବିପରୀତ ଟ୍ରମ୍ପଙ୍କ ପ୍ରତ୍ୟେକ ଭାଷଣ ତାଙ୍କ ଭୋଟରଙ୍କୁ ଆକର୍ଷିତ କରିବା ଭଳି ଥିଲା।
ପ୍ରାର୍ଥୀତ୍ୱକୁ ନେଇ ଅସନ୍ତୋଷ
ହ୍ୟାରିସଙ୍କ ପ୍ରାର୍ଥୀତ୍ୱକୁ ନେଇ ଡେମୋକ୍ରାଟିକ ଭୋଟର ସନ୍ତୁଷ୍ଟ ନଥିଲେ। ଅନେକ ଭୋଟର ଏଥିରେ ମଧ୍ୟ ଅସନ୍ତୁଷ୍ଟ ଥିଲେ ଯେ ଗତ ୪ ବର୍ଷରେ ଡେମୋକ୍ରାଟ ଦେଶକୁ ମଜଭୁତ ନେତୃତ୍ୱ ଦେଇ ପାରିନଥିଲେ। ଏହି କାରଣରୁ ଟ୍ରମ୍ପ ଜଣେ ମଜଭୁତ ବିକଳ୍ପ ପାଲଟିଥିଲେ। ଏଣୁ ଲୋକେ ତାଙ୍କୁ ପୁଣି ଥରେ ନେତା ନିର୍ବାଚିତ କରିଛନ୍ତି। ଖାସ କରି ଏପରି ଲାଗୁଛି ହ୍ୟାରିସଙ୍କ ନୀତି ଗୁଡିକର ସାର ଅର୍ଥାତ ସ୍ପଷ୍ଟତାର ଅଭାବ ଥିଲା। ଏଥିରୁ ଡେମୋକ୍ରାଟିକ ପାର୍ଟି ବର୍ତ୍ତମାନ ଦେଶକୁ ଉଚିତ ନେତୃତ୍ୱ ଦେବା କ୍ଷମତାରେ ନଥିବା ଲୋକେ ଭାବିନେଇଥିଲେ।
