କୋଣାର୍କ ୨୪।୦୭ : ଅଜଣା ଯୁବକଙ୍କ ମୃତଦେହ ଠାବ । ପୁରୀ ଜିଲ୍ଲା କୋଣାର୍କ ରାମଚଣ୍ଡୀ ନିକଟରୁ ଠାବ ହୋଇଛି ମୃତଦେହ । କୋଣାର୍କ ସାମୁଦ୍ରିକ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
ଖବର ଅନୁଯାୟୀ, ବୁଧବାର ଦିନ କୋଣାର୍କ ରାମଚଣ୍ଡୀ ନିକଟରେ ଜଣେ ଅଜଣା ଯୁବକଙ୍କ ମୃତଦେହ ପଡିଥିବାର ଦେଖିବାକୁ ମିଳିଥିଲା । ଯାହାକୁ ଦେଖି ସ୍ଥାନୀୟ ବାସିନ୍ଦା ତୁରନ୍ତ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ହେଲେ ଏବେ ଯାଏଁ ମୃତ ବ୍ୟକ୍ତିଙ୍କ ପରିଚୟ ମିଳିନାହିଁ ।
ସେପଟେ କୋଣାର୍କ ସାମୁଦ୍ରିକ ଥାନା ଘଟଣାସ୍ଥଳରୁ ମୃତଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ଏହାସହିତ ଘଟଣାର ଛାନ୍ଭିନ୍ ଜାରି ରହିଛି । କିପରି ଏବଂ କେଉଁ ଭଳି ଭାବେ ଯୁବକଙ୍କ ମୃତ୍ୟୁ ହେଲା । ସେନେଇ ଚାଲିଛି ତଦନ୍ତ ।
