ନୂଆଦିଲ୍ଲୀ ୩୦/୦୧: ପାଖେଇ ଆସିଲାଣି ଚାମ୍ପିଅନ୍ସ ଟ୍ରଫି ୨୦୨୫ । ଏହି ICC ଟୁର୍ଣ୍ଣାମେଣ୍ଟ ୧୯ ଫେବୃଆରୀରୁ ଆରମ୍ଭ ହେଉଛି । ଏହି ଟୁର୍ଣ୍ଣାମେଣ୍ଟ ପାଇଁ ସମସ୍ତ ଦଳ ସେମାନଙ୍କର ଦଳ ଘୋଷଣା କରିଛନ୍ତି । ଟିମ୍ ଇଣ୍ଡିଆ ମଧ୍ୟ ଏଥିରେ ସାମିଲ ହୋଇଛି । ତଥାପି, ଶାମି ଏବଂ ବୁମରା ଉଭୟ ସମ୍ପୂର୍ଣ୍ଣ ଫିଟ୍ ନଥିବାରୁ ଟିମ୍ ଇଣ୍ଡିଆରେ ପରିବର୍ତ୍ତନ ହୋଇପାରେ ।
ଏହି ସମୟରେ, ଟିମ୍ ଇଣ୍ଡିଆରୁ ବାହାରେ ଥିବା ଦ୍ରୁତ ବୋଲର ଭୁବନେଶ୍ୱର କୁମାରଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଯେଉଁଥିରେ ସେ ନିଜ ଫିଟନେସ ଉପରେ କଠିନ ପରିଶ୍ରମ କରୁଛନ୍ତି। ଏହି ଭିଡିଓ ପରେ ପ୍ରଶ୍ନ ଉଠୁଛି ଯେ ଭୁବନେଶ୍ୱର କୁମାରଙ୍କୁ ଟିମ୍ ଇଣ୍ଡିଆକୁ ଫେରିବା ପାଇଁ ପ୍ରସ୍ତୁତ ହେବାକୁ କୁହାଯାଇଛି କି? ଭୁବି କ’ଣ ଚାମ୍ପିଅନ୍ସ ଟ୍ରଫିରେ ଖେଳିବେ?
ଭୁବନେଶ୍ୱରଙ୍କ ଟ୍ରେନିଂ
ସୋସିଆଲ ମିଡିଆରେ ଭୁବନେଶ୍ୱର କୁମାର ପୋଷ୍ଟ କରିଥିବା ଭିଡିଓରେ ସେ ଦମ୍ଦାର ଟ୍ରେନିଂ ନେଉଥିବାର ଦେଖାଯାଉଛି। ସେ ତାଙ୍କ ଗତିଶୀଳତାଠାରୁ ଆରମ୍ଭ କରି ତାଙ୍କ ଗୋଡକୁ ମଜବୁତ କରିବା ପର୍ଯ୍ୟନ୍ତ ବ୍ୟାୟାମ କରୁଛନ୍ତି । ଭୁବିଙ୍କ ଇଣ୍ଟେନ୍ସ ଟ୍ରେନିଂ ଦେଖି ଲାଗୁଛି ଯେପରି ସେ କୌଣସି ବଡ଼ ସିରିଜ୍ କିମ୍ବା ଟୁର୍ଣ୍ଣାମେଣ୍ଟ ପାଇଁ ପ୍ରସ୍ତୁତି କରୁଛନ୍ତି । ଏଥିରେ ଅନେକ କଥା ଚର୍ଚ୍ଚା ହେଉଛି କି, ସେ ବୋଧେ ଟିମ୍ ଇଣ୍ଡିଆକୁ କମ୍ବ୍ୟାକ୍ କରିବାକୁ ତପ୍ତର ।
ଯଦି ଶାମି-ବୁମରାହ ଯଦି ନ ଖେଳିବେ …
ଶାମି ଏବଂ ବୁମରାହ ଉଭୟଙ୍କୁ ଚାମ୍ପିଅନ୍ସ ଟ୍ରଫି ପାଇଁ ଚୟନ କରାଯାଇଛି । କିନ୍ତୁ ଏପର୍ଯ୍ୟନ୍ତ ଉଭୟ ସମ୍ପୂର୍ଣ୍ଣ ଫିଟ୍ ଦେଖାଯାଉନାହାଁନ୍ତି । ବୁମରାହଙ୍କ ପିଠିର ତଳ ଭାଗରେ ଆଘାତ ଲାଗିଛି । ଶାମି ଟିମ୍ ଇଣ୍ଡିଆକୁ ଫେରିଛନ୍ତି କିନ୍ତୁ ରାଜକୋଟ ଟି-୨୦ରେ ସେ ପୂର୍ଣ୍ଣ ଫର୍ମରେ ଥିବା ଦେଖାଯାଇନଥିଲେ । ଏପରି ପରିସ୍ଥିତିରେ, ଯଦି ଏହି ବୋଲରମାନେ ଚାମ୍ପିଅନ୍ସ ଟ୍ରଫିରୁ ବାହାର ହୋଇଯାଆନ୍ତି । ତେବେ ଟିମ୍ ଇଣ୍ଡିଆକୁ ଅଭିଜ୍ଞ ବୋଲରଙ୍କ ଆବଶ୍ୟକତା ପଡ଼ିବ, ଯେଉଁଥିରେ ଭୁବନେଶ୍ୱର କୁମାର ଏକ ଭଲ ବିକଳ୍ପ ହେବେ।
