ନୂଆଦିଲ୍ଲୀ: ମହମ୍ମଦ ସିରାଜ ସଂପ୍ରତି ଭାରତୀୟ ଦଳରୁ ବାହାରେ ଅଛନ୍ତି। କିନ୍ତୁ ଏବେ ସେ ଡେଟିଂକୁ ନେଇ ଚର୍ଚ୍ଚାରେ ଅଛନ୍ତି। ତେବେ ସେ କାହା ସହ  ଡେଟିଂ କରୁଛନ୍ତି ତାକୁ ନେଇ ଖବର ସାମ୍ନାକୁ ଆସିଛି। କୁହାଯାଉଛି ସିରାଜ ବିଗ୍ ବସ୍ ୧୩ ଫେମ୍‌ ଅଭିନେତ୍ରୀ ମାହିରା ଶର୍ମାଙ୍କୁ ଡେଟ୍ କରୁଛନ୍ତି। ସିରାଜ ନିକଟରେ ଆଶା ଭୋଁସଲେଙ୍କ ନାତୁଣୀ ଜନାଇ ଭୋଁସଲେଙ୍କ ଜନ୍ମଦିନ ପାର୍ଟିରେ ଯୋଗ ଦେଇଥିଲେ। ସିରାଜ ଓ ଜନାଇଙ୍କୁ ନେଇ ଗୁଜବ ପ୍ରଚାର ହୋଇଥିଲା। ଏହା ପରେ ଉଭୟ ପରସ୍ପର ଭାଇ-ଭଉଣୀ ସଂପର୍କ ଉପରେ ମୋହର ମାରିଥିଲେ। 

କିନ୍ତୁ ଟାଇମ୍ସ ଅଫ୍ ଇଣ୍ଡିଆର ଖବର ଅନୁଯାୟୀ, ସିରାଜ ଓ ମାହିରା ପରସ୍ପରକୁ ଡେଟ୍ କରୁଛନ୍ତି। ରିପୋର୍ଟ ଅନୁଯାୟୀ, ଉଭୟ ଗତ ନଭେମ୍ବରରେ ପରସ୍ପର ସହ ପରିଚିତ ହୋଇଥିଲେ। ସିରାଜ ମାହିରାଙ୍କ ଏକ ପୋଷ୍ଟକୁ ଲାଇକ୍ କରିଥିଲେ। ଏହା ପରେ ଉଭୟଙ୍କ ମଧ୍ୟରେ ଡେଟିଂ ଚାଲିଥିବା ଖବର ଜୋର୍ ଧରିଥିଲା। ତେବେ ଉଭୟ ଏ ପର୍ଯ୍ୟନ୍ତ ଇନଷ୍ଟାଗ୍ରାମରେ ପରସ୍ପରକୁ ଫଲୋ କରି ନାହାନ୍ତି। ବଡ଼ କଥା ଏହି ମାମଲାରେ ମାହିରା କିମ୍ବା ସିରାଜଙ୍କ ପକ୍ଷରୁ ଏ ପର୍ଯ୍ୟନ୍ତ କୌଣସି ପ୍ରତିକ୍ରିୟା ଆସିନାହିଁ।

Also read: ଆଇସିସି ରାଙ୍କିଙ୍ଗରେ ପୁଣି ନମ୍ବର ଓ୍ଵାନ ଆଦିଲ ରଶିଦ, ବରୁଣଙ୍କୁ ମିଳିଲା ପୁରସ୍କାର

ମାହିରାଙ୍କ ସାମାଜିକ ଗଣମାଧ୍ୟମରେ ପ୍ରଶଂସକ ସିରାଜଙ୍କ ନାଁକୁ ନେଇ ଅନେକ ପ୍ରତିକ୍ରିୟା ଦେବାରେ ଲାଗିଛନ୍ତି। ସିରାଜଙ୍କ ପକ୍ଷରୁ ଏ ପର୍ଯ୍ୟନ୍ତ ଆନୁଷ୍ଠାନିକ ସୂଚନା ମିଳିବା ବାକି ରହିଛି। ମାହିରା ଅନେକ ଟିଭି ଶୋରେ ନଜର ଆସିଛନ୍ତି। ସେ ନାଗିନ, ବିଗ୍ ବସ୍ ୧୩ ଓ କୁଣ୍ଡଲୀ ଭାଗ୍ୟରେ କାମ କରି ସାରିଛନ୍ତି। ସିରାଜ ଓ ମାହିରାଙ୍କ ମଧ୍ୟରେ କେମିତି ଚିହ୍ନା ପରିଚୟ ହେଲା ଏହାକୁ ନେଇ କୌଣସି ସ୍ପଷ୍ଟ ସୂଚନା ମିଳିନି। କିନ୍ତୁ ରିପୋର୍ଟ ଅନୁସାରେ ଉଭୟ ୨୦୨୪ ନଭେମ୍ବରରୁ ପରସ୍ପରକୁ ଜାଣିଛନ୍ତି।