ନୂଆଦିଲ୍ଲୀ ୧୬।୦୬: ବିହାରରେ ଏକ ବଡ ଦୁର୍ଘଟଣା ଘଟିଛି। ପାଟନା ବନ୍ୟା ପ୍ରଭାବିତ ଅଞ୍ଚଳରେ ଉମାନଥ ଘାଟରେ ୧୭ ଜଣଙ୍କ ଭର୍ତ୍ତି ଏକ ଡଙ୍ଗା ବୁଡ଼ି ଯାଇଛି। ଡଙ୍ଗା ଭିତରେ ଥିବା ଲୋକମାନେ ଗାଧୋଇବାକୁ ଯାଉଥିଲେ। କିନ୍ତୁ ବନ୍ୟା ଜଳ ପ୍ରବାହରେ ଫସି ରହି ଦୁର୍ଘଟଣାର ଶିକାର ହୋଇଥିଲେ। ୧୧ ଭକ୍ତଙ୍କୁ ବାହାର କରିଥିଲେ, କିନ୍ତୁ ୬ ଭକ୍ତ ନିଖୋଜ ଅଛନ୍ତି। ଅନ୍ୟ ଭକ୍ତଙ୍କୁ ଏବେ ଖୋଜା ଚାଲିଛି । ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ଅଞ୍ଚଳର ଲୋକମାନେ ନଦୀ କୂଳରେ ଏକାଠି ହୋଇଥିଲେ।
ଘଟଣାସ୍ଥଳରେ ପୋଲିସ ଓ ପ୍ରଶାସନିକ ଅଧିକାରୀ ମଧ୍ୟ ପହଞ୍ଚିଥିଲେ। ନଦୀରେ ନିଖୋଜ ଲୋକଙ୍କୁ ଖୋଜୁଥିବା ଉଦ୍ଧାର କାର୍ଯ୍ୟ କରିବା ପାଇଁ ପୋଲିସ ଅଧିକ କର୍ମଚାରୀଙ୍କୁ ଡାକିଥିଲା। ଦୁର୍ଘଟଣାର ଖବର ପାଇବା ପରେ ନିଖୋଜ ଲୋକଙ୍କ ପରିବାର ମଧ୍ୟରେ ଆତଙ୍କ ଖେଳିଯାଇଥିଲା।