ବୋରିଗୁମ୍ମା ୨୮।୮: ଦୀର୍ଘ ଦିନ ଧରି ବୋରିଗୁମ୍ମା ଥାନା ଅଞ୍ଚଳରେ ବେଶ୍ ସକ୍ରିୟ ଥିଲେ ବାଇକ୍ ଲୁଟେରା ଗ୍ୟାଙ୍ଗ । ଗତ ୩ ମାସ ମଧ୍ୟରେ ବୋରିଗୁମ୍ମା ଅଞ୍ଚଳରୁ ବିଭିନ୍ନ ସ୍ଥାନରୁ ୧୬ରୁ ଉର୍ଦ୍ଧ୍ବ ବାଇକ୍ ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଥିଲା । ଯାହା କି ବୋରିଗୁମ୍ମା ପୋଲିସ ପାଇଁ ଏକ ଚ୍ୟାଲେଞ୍ଜ ଥିଲା । ଶେଷରେ ଏହି ଚୋରା ରାକେଟ୍ ଦଳକୁ କାବୁ କରିଥିବା ସୂଚନା ଦେଲେ ବୋରିଗୁମ୍ମା SDPO ତପସ୍ବିନୀ କହଁର ।
ଚୋରା ବାଇକ୍ ଗ୍ୟାଙ୍ଗର ମାଷ୍ଟର ମାଇଣ୍ଡ ଦୁବଲି ଗାଁର ଅନିଲ ହରିଜନ ସମେତ ଜୟପୁର ସଦର ଥାନା ଅନ୍ତର୍ଗତ ସହଯୋଗୀ ଧନପତି ନାଗ ଓ ଚୋରା ବାଇକ ରଖିବାରେ ସାହାଯ୍ୟ କରୁଥିବା ସାଜନ ହରିଜନକୁ ଗିରଫ କରିଛି ବୋରିଗୁମ୍ମା ପୋଲିସ । ଏମାନଙ୍କ ଠାରୁ ବିଭିନ୍ନ କମ୍ପାନୀର ୧୩ ଗୋଟି ବାଇକ୍ ଉଦ୍ଧାର ହୋଇଛି । ଉଦ୍ଧାର ୧୩ ବାଇକ୍କୁ ମାଲିକଙ୍କୁ ହସ୍ତାନ୍ତର କରିବ ପୋଲିସ । ବହୁ ଦିନ ଧରି ଏହି ବାଇକ୍ ଚୋରା ଗ୍ୟାଙ୍ଗ ସକ୍ରିୟ ଥାଇ କୋରାପୁଟ ଜିଲ୍ଲାର ବିଭିନ୍ନ ସ୍ଥାନରୁ ବାଇକ୍ ଚୋରି କରି ବୈପାରୀଗୁଡା ଅଞ୍ଚଳର ଜଣେ ବ୍ୟବସାୟୀକୁ ବିକ୍ରି କରୁଥିଲେ । ଏହି ଚୋରି ଦଳରେ ଜଡ଼ିତ ବ୍ୟବସାୟୀ ଏବଂ ୩ ସହଯୋଗୀକୁ ଅତିଶୀଘ୍ର ଗିରଫ କରିବେ ବୋଲି ବୋରିଗୁମ୍ମା SDPO ସୂଚନା ଦେଇଛନ୍ତି ।
You Can Read:
ସ୍କୁଟରକୁ ଧକ୍କା ଦେଲା ଟ୍ରକ୍, ଆରୋହୀଙ୍କ ମୁଣ୍ଡରେ ଚଢିଗଲା ଚକ
