ଇସଲାମାବାଦ: ପାକିସ୍ତାନର ଉତ୍ତର-ପଶ୍ଚିମ ବେଲୁଚିସ୍ତାନରେ ବ୍ଲାଷ୍ଟ୍ । କ୍ବେଟା ରେଳ ଷ୍ଟେସନ ନିକଟରେ ବିସ୍ଫୋରଣ ହୋଇଛି । ମିଳିଥିବା ସୂଚନା ଅନୁଯାୟୀ, ଏଥିରେ ୧୨ଜଣଙ୍କ ମୃତ୍ୟୁ ହୋଇଥିବାଳେ ୩୦ରୁ ଅଧିକ ଆହତ ହୋଇଛନ୍ତି । ଏନେଇ ଖବର ମିଳିବା ପରେ ସ୍ଥାନୀୟ ପୋଲିସ ଏବଂ ରେସକ୍ୟୁ ଟିମ୍ ଘଟଣାସ୍ଥଳରେ ପହଞ୍ଚି ଗୁରୁତରଙ୍କୁ ଉଦ୍ଧାର କରି ହସ୍ପିଟାଲ ଭର୍ତ୍ତି କରିଛି ।
କିସ୍ତାନ ସମାଚାର ଚ୍ୟାନେଲ୍ ଜିଓ ନ୍ୟୁଜ୍ ଅନୁଯାୟୀ, ଏହି ବିସ୍ଫୋରଣ ବେଲୁଚିସ୍ତାନର କ୍ବିଟା ରେଲଓ୍ବେ ଷ୍ଟେସନ ନିକଟରେ ହୋଇଛି । ଟ୍ରେନ୍ ବୁକିଂ କାଉଣ୍ଟର ନିକଟରେ ପହଞ୍ଚିବାର ଠିକ୍ ପୂର୍ବରୁ ବିସ୍ଫୋରଣ ହୋଇଛି । ଷ୍ଟେସନରେ ଜନଗହଳି ଥିବାରୁ ବହୁ ଧନଜୀବନ ନଷ୍ଟ ହୋଇଛି । ବର୍ତ୍ତମାନର ମିଳିଥିବା ସୂଚନା ଅନୁଯାୟୀ, ମୃତ୍ୟୁ ସଂଖ୍ୟା ଡଜନେ ପାର କରିଛି । ସେହିପରି ୩୦ରୁ ଅଧିକ ଅହାତ ହୋଇଛନ୍ତି । ଗୁରୁତରଙ୍କ ସଂଖ୍ୟା ଅଧିକ ଥିବାରୁ ମୃତ୍ୟୁ ସଂଖ୍ୟା ଆହୁରି ବଢ଼ିବ ବୋଲି ଅନୁମାନ କରାଯାଉଛି । ପୋଲିସ ଏବଂ ଉଦ୍ଧାରକାରୀ ଦଳ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
