ସାଲେପୁର ୧୫।୧୧: ବୋଇତ ବନ୍ଦାଣ ଉତ୍ସବ ପାଳନ ବେଳେ ଅଘଟଣ । ସାଧବ ପୁଅ ବେଶଧାରୀ ଯୁବକ ମାନେ ଅଳ୍ପକେ ବର୍ତ୍ତି ଯାଇଛନ୍ତି । ଏଭଳି ଅଘଟଣ ଦେଖିବାକୁ ମିଳିଛି କାଠଯୋଡି ନଦୀରେ ।
ସୂଚନାଯୋଗ୍ୟ ଯେ, କଟକ ସଦର ବ୍ଲକ୍ ୪୨ ମୌଜାର ଗୋବିନ୍ଦପୁର ଗାଁରେ ବୋଇତ ବନ୍ଦାଣ ଉତ୍ସବ ପାଳନ ବେଳେ ଅଘଟଣ । ଅଳ୍ପକେ ମୃତ୍ୟୁ ମୁଖରୁ ସାଧବ ପୁଅ ବେଶଧାରୀ ଯୁବକ ମାନେ ବର୍ତ୍ତିଗଲେ । ଡଙ୍ଗାରେ ବସି ସମସ୍ତେ କାଠଯୋଡ଼ି ନଦୀରେ ବୁଲିବା ବେଳେ ଏଭଳି ଅଘଟଣ ଘଟିଥିଲା । ଭାରସାମ୍ୟ ହରାଇ ହଠାତ ଡଙ୍ଗା ସହିତ ୭ ଜଣ ସାଧବ ପୁଅ ବେଶଧାରୀ ଯୁବକ ପାଣିରେ ବୁଡିଯିବା ଦେଖିବାକୁ ମିଳିଥିଲା । ସେମାନେ ପହଁରି ପହଁରି କୂଳକୁ ଆସିଥିଲେ । କୂଳରେ ଥିବା ଲୋକମାନେ ସେମାନଙ୍କୁ ଉଦ୍ଧାର କରିଥିଲେ । ସମସ୍ତେ ସୁରକ୍ଷିତ ଉଦ୍ଧାର ହୋଇଥିବା ଜଣାପଡିଛି ।
You Can Read:
ଡକାୟତି ଉଦ୍ୟମ ପଣ୍ଡ, ଜଣେ ନାବାଳକ ସମେତ ୨ ଅଭିଯୁକ୍ତ ଗିରଫ
