ଭୁବନେଶ୍ବର ୨୨।୧୨: ଭୁବନେଶ୍ବର ଭରତପୁର ଥାନା ବିବାଦ ମାମଲାରେ ମେଜରଙ୍କ ବାନ୍ଧବୀଙ୍କୁ ୫ ଘଣ୍ଟା ଜେରା । କମିଶନ ଜଷ୍ଟିସ ଚିତ୍ତରଞ୍ଜନ ଦାସଙ୍କ ଅଧ୍ୟକ୍ଷତାରେ ବନ୍ଧବୀଙ୍କୁ ଜେରା ହୋଇଥିଲା । ଭୁବନେଶ୍ୱର ସ୍ପେସିଆଲ ସର୍କିଟ୍ ହାଉସରେ ଜଷ୍ଟିସ୍ ଚିତ୍ତରଞ୍ଜନ ଦାସଙ୍କ ସ୍ଵତନ୍ତ୍ର କୋର୍ଟରେ ଏହି ପ୍ରକ୍ରିୟା ଚାଲିଥିଲା । କମିଶନ ଜଷ୍ଟିସ ଚିତ୍ତରଞ୍ଜନ ଦାସଙ୍କ ସମ୍ମୁଖରେ ଉପସ୍ଥିତ ରହିଛନ୍ତି । ଭରତପୁର ଥାନା ଭିତରେ ହୋଇଥିବା ଘଟଣା ବେଳର ସମସ୍ତ ଭିଡିଓ ଗୁଡ଼ିକ କମିଶନ ଦାସଙ୍କୁ ଦିଆଯାଇଛି । ବିଳମ୍ବିତ ପୋଲିସ କର୍ମଚାରୀ ଏବଂ ସେନା ଅଧିକାରୀଙ୍କ ବାନ୍ଧବୀଙ୍କ ନିକଟରେ ଥିବା ଭିଡିଓ ଗୁଡ଼ିକ କମିଶନ ନିକଟରେ ହସ୍ତଗତ କରାଯାଇଛି । କୋର୍ଟରେ ଜଷ୍ଟିସଙ୍କ ସମ୍ମୁଖରେ ଭରତପୁର ଥାନା ଭିତରେ ହୋଇଥିବା ଘଟଣାରେ ଭିଡିଓ ଫୁଟେଜ ଦେଖାହୋଇଥିଲା । ଏହାପରେ ଗୋଟିଏ ପରେ ଗୋଟିଏ ପ୍ରଶ୍ନ ବାନ୍ଧବୀଙ୍କୁ ପଚାରିଥିଲେ ଜଷ୍ଟିସ । ଲଗାତାର ଭାବେ ୧୧ଟାରୁ ୪ଟା ୩୦ ଯାଏଁ ୫ ଘଣ୍ଟା ଧରି ଚାଲିଥିଲା ଜେରା । ଏଥିରେ ସେନା ଅଧିକାରୀ ଅନୁପସ୍ଥିତ ଥିଲେ କେବଳ ବାନ୍ଧବୀଙ୍କୁ ଜେରା ହୋଇଥିଲା । ଜେରା ବେଳେ ସେ ସମସ୍ତ ଉତ୍ତର ଦେଇଥିଲେ । ତାଙ୍କ ସହ ଥିଲେ ଓକିଲ  ଯଶଓ୍ବନ୍ତ ଦାସ । 

ସେହିପରି ସମୟ ଅଧିକ ଲାଗିବାରୁ ରବିବାର ଏହି ଶୁଣାଣି ପ୍ରକିୟା ବନ୍ଦ କରାଯାଇଥିଲା । ପାଞ୍ଚ ଘଣ୍ଟା ମଧ୍ୟରେ ଜଷ୍ଟିସଙ୍କ ସମ୍ମୁଖରେ ରଖାଯାଇଥିଲା ଭିଡିଓ ଓ କିଛି ଗୁରୁତ୍ଵପୂର୍ଣ୍ଣ ଫାଇଲ । ଏପଟେ ସେହି ରାତିରେ ଡ୍ୟୁଟିରେ ଥିବା ୫ ଜଣ ନିଲମ୍ବିତ ପୋଲିସ କର୍ମଚାରୀ ଉପସ୍ଥିତ ଥିଲେ । ପ୍ରଥମେ ପୂର୍ବତନ ଭରତପୁର ଥାନା ଅଧିକାରୀ ଦୀନକୃଷ୍ଣ ମିଶ୍ର ଏବଂ ଅନ୍ୟ ୪ ଜଣ  ନିଲମ୍ବିତ ପୋଲିସ କର୍ମଚାରୀଙ୍କୁ ଡକାଯାଇଥିଲା । ଏହାପରେ ସେମାନଙ୍କୁ ବାହାରକୁ ପଠାଇ ଦିଆଯାଇଥିଲା । କେବଳ ଜଷ୍ଟିସଙ୍କ ନିକଟରେ ବାନ୍ଧବୀ ଏବଂ ତାଙ୍କ ଓକିଲ ଉପସ୍ଥିତ ରହିଥିଲେ । ଏପଟେ ନିଲମ୍ବିତ ୫ ପୋଲିସ କର୍ମଚାରୀଙ୍କ ଓକିଲ ସୌର ଚନ୍ଦ୍ର ମହାପାତ୍ରଙ୍କ ଉପସ୍ଥିତିରେ ଏହି ପ୍ରକ୍ରିୟା ଚାଲିଥିଲା । ଅଧିକ ଲମ୍ବା ତାଲିକା ଥିବାରୁ ଜଣଙ୍କ ପରେ ଜଣଙ୍କୁ ଜେରା ହେବ । ପ୍ରକୃତ ତଥ୍ୟ ପାଇବାକୁ ଜଷ୍ଟିସ୍ ଦାସ ଏହି ପ୍ରକ୍ରିୟା ଅବଲମ୍ବନ କରିଛନ୍ତି ।

You Can Read:

ଯାନ୍ତ୍ରିକ ତ୍ରୁଟି ଯୋଗୁଁ ମଝି ନଦୀରେ ଅଚଳ ହେଲା ବୋଟ୍, ଦୁଇ ଘଣ୍ଟା ଫସିଲେ ପର୍ଯ୍ୟଟକ