କେରଳର କନ୍ନୁରରେ ଏକ ଭୟଙ୍କର ଦୁର୍ଘଟଣାର । ଏହି ଦୁର୍ଘଟଣାରେ ସ୍କୁଲ ବସ୍ ଓଲଟି ପଡ଼ିଛି । ଯାହାର ଭିଡିଓ ସୋସିଆଲ ମିଡିଆରେ ଲୋକଙ୍କୁ ଚକିତ କରିଛି। ଯେଉଁଥିରେ ୧୧ ବର୍ଷର ଛାତ୍ରର ମୃତ୍ୟୁ ହୋଇଥିଲା। ବୁଧବାର ପ୍ରାୟ ୪ଟା ସମୟରେ ଶ୍ରୀକାନ୍ତପୁରର ଭାଲକାଇ ଅଞ୍ଚଳରେ ଏହି ଦୁର୍ଘଟଣା ଘଟିଛି।
ଚିନ୍ମୟ ବିଦ୍ୟାଲୟର ଏହି ବସ୍ ୧୮ ରୁ ଅଧିକ ପିଲାଙ୍କ ସହିତ ସ୍କୁଲରୁ ଘରକୁ ଯାଉଥିଲା । ବସ୍ ରାଜପଥରେ ତଳକୁ ଗଡୁଥିଲା ସେତେବେଳେ ହଠାତ୍ ଡ୍ରାଇଭର ବସ୍ ନିୟନ୍ତ୍ରଣ ହରାଇ ଏହି ଘଟଣା ଘଟିଥିଲା। ବୁଧବାର ଦିନ କେରଳର କନ୍ନୁରରେ ଓଲଟି ପଡିଥିଲା ଯେଉଁଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ୧୮ ଜଣ ଛାତ୍ର ଆହତ ହୋଇଛନ୍ତି ବୋଲି ପୋଲିସ ସୂତ୍ରରୁ ପ୍ରକାଶ।
ପୋଲିସର ସୂଚନାନୁସାରେ, ଏହି ଦୁର୍ଘଟଣାର କାରଣ ବ୍ରେକ୍ ଫେଲ୍ ବୋଲି କୁହାଯାଉଛି, କିନ୍ତୁ ଏହା ପଛର ପ୍ରକୃତ କାରଣ ଜାଣିବା ପାଇଁ ଅନୁସନ୍ଧାନ ଚାଲିଛି ବୋଲି ପୋଲିସ କହିଛି। ଘଟଣା ସମୟରେ ଅନେକ ପିଲା ବସ୍ରେ ଯାତ୍ରା କରୁଥିଲେ, ସେଥିମଧ୍ୟରୁ ୧୮ ଜଣ ଆହତ ହୋଇଥିଲେ। ସ୍ଥାନୀୟ ଲୋକ ତୁରନ୍ତ ସମସ୍ତ ଆହତଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ମୃତଦେହ ସରକାରୀ ମେଡିକାଲ କଲେଜକୁ ପଠାଯାଇଛି। ଦୁର୍ଘଟଣା ପରେ ସ୍କୁଲ ପ୍ରଶାସନ ପକ୍ଷରୁ କୌଣସି ସୂଚନା ମିଳିନାହିଁ। ବସ୍ ଡ୍ରାଇଭରଙ୍କ ବିରୋଧରେ ପୋଲିସ ମାମଲା ରୁଜୁ କରିଛି। ଦୁର୍ଘଟଣା ପରେ ସ୍ଥାନୀୟ ଲୋକମାନେ ମଧ୍ୟ ଏହି ଘଟଣାରେ କ୍ରୋଧ ପ୍ରକାଶ କରିଥିଲେ।
