ଭୁବନେଶ୍ବର ୫/୧୦: କିଛି ଦିନ ତଳେ ବିରୋଧୀ ଦଳ ନେତା ନବୀନ ପଟ୍ଟନାୟକ କହିଥିଲେ ବିଜେପି ମିଛ କହୁଛି । ଶନିବାର ନବୀନଙ୍କ ଏହି ମନ୍ତବ୍ୟର କଡା ଜବାବ ରଖିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । କହିଛନ୍ତି ରାଜନୀତିରେ ଜୟ ପରାଜୟ ଲାଗି ରହେ । ଜିତିଲେ ଅଧିକ ଉନ୍ମାଦିତ ହେବା କି ପରାଜୟରେ ଅଧିକ ହତୋତ୍ସାହିତ ହେବାର ଆବଶ୍ୟକତା ନାହିଁ ।
ପୂର୍ବରୁ ବିଜେପି ଅନେକ ଥର ହାରିଛି । ଦେଶରେ ୨ଟି ଲୋକସଭା ଆସନ ଥିଲା । ଓଡ଼ିଶାରେ କିଛି ଲୋକ ବିଜେପିକୁ ସାଇନ ବୋର୍ଡ କହୁଥିଲେ । ହେଲେ ଏବେ ଓଡ଼ିଶାବାସୀଙ୍କ ଆଶୀର୍ବାଦରେ ସେବା କରିବାର ସୁଯୋଗ ମିଳିଛି । ଲୋକମାନେ ଯାହାକୁ ଯେଉଁ ଭୂମିକା ଦେଇଛନ୍ତି । ଯାହାକୁ ସେବା କରିବାର ଭୂମିକା ଦେଇଛନ୍ତି ସେ ସେବା କରୁ । ଯାହାକୁ ଦାୟିତ୍ବ ସଂପନ୍ନ ବିରୋଧୀ ଦଳ ଭାବେ ଦାୟିତ୍ବ ଦେଇଛନ୍ତି ସେ ତାକୁ ପାଳନ କରନ୍ତୁ । ବାକି ଲୋକ ବିଚାର କରିବେ ।
