ଚୌଦ୍ବାର ୧୪।୧୧: ବନ୍ଦ ଘରୁ ମିଳିଲା ଯୁବକଙ୍କ ମୃତଦେହ । ମୃତ ଯୁବକ ଜଣଙ୍କ ହେଲେ ଜ୍ଞାନରଞ୍ଜନ ବେଉରିଆ । ଓଟିଏମ୍ ସ୍କୁଲ ଷ୍ଟାଫ୍ କ୍ୱାର୍ଟରରେ ନିଜ ପରିବାର ସହ ରହୁଥିଲେ । ତାଙ୍କ ନିଜ ଘର ସାଲେପୁର ଥାନା ଅନ୍ତର୍ଗତ ପ୍ରହରାଜପୁର । ସେ ଓଟିଏମ୍ ସରକାରୀ ଉଚ୍ଚ ବିଦ୍ୟାଳୟରେ ରାତ୍ରୀ ଜଗୁଆଳି ଭାବେ କାର୍ଯ୍ୟରତ ଥିଲେ । ତାଙ୍କ ବାପା ଅଭିମେନ୍ୟୁ ବେଉରିଆ ସେହି ସ୍କୁଲରେ ସ୍ଥାୟୀ ପିଅନ ଭାବେ ଚାକିରି କରିନ୍ତି ।  

ସୂଚନାଯୋଗ୍ୟ ଯେ, ବୁଧବାର ବିଳମ୍ବିତ ରାତିରେ ପରିବାରର ସମସ୍ତେ ଖାଇପିଇ ଶୋଇଥିଲେ । ଗୁରୁବାର ସକାଳୁ ଜ୍ଞାନରଞ୍ଜନ ଅନେକ ସମୟ ଧରି ଉଠିନଥିଲେ । ଫଳରେ ବାପା ଅଭିମନ୍ୟୁ ତାଙ୍କ ଶୋଇବା ଘରକୁ ଯାଇ କବାଟ ବାଡ଼େଇବା ପରେ ଜ୍ଞାନରଞ୍ଜନ କବାଟ ଖୋଲିନଥିଲେ । ପରେ ବାପା ଅଭିମନ୍ୟୁଙ୍କ ସହ ଆଉ ଜଣେ ଶିକ୍ଷକ କବାଟ ଭାଙ୍ଗିଥିଲେ । କବାଟ ଭାଙ୍ଗି ଦେଖିବା ବେଳକୁ ପୁଅ ଘର ଭିତରେ ଏକ ପଙ୍ଖାରେ ଝୁଲି ପଡିଥିଲେ l ପରେ ପରିବାର ଲୋକ ଚୌଦ୍ଵାର ଥାନାକୁ ଖବର ଦେଇଥିଲେ । ଚୌଦ୍ଵାର ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ଆମ୍ବୁଲାନ୍ସ ଯୋଗେ ବ୍ୟବଚ୍ଛେଦ ପାଇଁ ପଠାଇଛନ୍ତି l ପରେ ଜ୍ଞାନରଞ୍ଜନଙ୍କ ବାପା ଅଭିମନ୍ୟୁ ବେଉରିଆଙ୍କୁ ପୋଲିସ ନେଇ ଅଧିକ ପଚରଉଚରା କରୁଛି l  

You Can Read:

କନ୍ଧମାଳରେ ଶୀତର ପହିଲି ସ୍ପର୍ଶ, ଘନ କୁହୁଡ଼ିରେ ଆଚ୍ଛାଦିତ ସମଗ୍ର ଅଞ୍ଚଳ