ବିନିକା ୧/୧୨:ମୃତଦେହ ନେବାକୁ ମିଳିଲାନି ମହାପ୍ରୟାଣ ଗାଡି । ପରିବାରର ଅବସ୍ଥା ଏମିତି ଯେ ଗାଡି ପାଇଁ ଅର୍ଥ ଯୋଗାଡ କରିବା ସମ୍ଭବ ନଥିଲା । ଏଥିପାଇଁ ଯାହା ଥିଲା ବେଶ ହୃଦୟ ବିଦାରକ । ସୁବର୍ଣ୍ଣପୁର ଜିଲ୍ଲା ବିନିକାରୁ ଆସିଛି ଏମିତି ଅଭାବନୀୟ ଚିତ୍ର । ପାତିକାରପଡାର ବିଦ୍ୟାଧର ନାଏକଙ୍କ ଛାତିରେ ଯନ୍ତ୍ରଣା ହେବାରୁ ତାଙ୍କୁ ବିନିକା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ହେଲେ ଡାକ୍ତରଖାନାରେ ମହାପ୍ରୟାଣ ଗାଡି ନଥିଲା । ଟଙ୍କା ନଥିବାରୁ ଗାଡି ଭଡା କରିନପାରି ବାଇକରେ ମୃତଦେହ ନେଇଥିଲେ ପରିବାର ଲୋକ । ବିନିକା ଡାକ୍ତରଖାନାରେ ଦୀର୍ଘ ଦିନ ହେବ ନାହିଁ ମହାପ୍ରୟାଣ ଗାଡି । ଲୋକେ ସାଇକେଲ,ବାଇକରେ ମୃତଦେହ ନେଉଥିବାର ନଜିର ରହିଛି । ପ୍ରଶାସନ ତୁରନ୍ତ ବିନିକା ଡାକ୍ତରଖାନାରେ ମହାପ୍ରୟାଣ ଗାଡି ଯୋଗାଇ ଦେବାକୁ ଦାବି ହୋଇଛି ।