ଖୋର୍ଦ୍ଧା ୦୬।୧୦ : ପାଣିରେ ଭାସୁଛି ଅଜଣା ମୃତଦେହ । ଖୋର୍ଦ୍ଧା ସଦର ଥାନା କାଇପଦର ଟାଙ୍ଗେଣି ମୁଣ୍ଡିଆ ପାଣିରେ ଭାସୁଥିବା ଗଳିତ ଶବ ଜବତ ହୋଇଛି । ଏବେ ଯାଏଁ ମୃତଦେହର ପରିଚୟ ଅସ୍ପଷ୍ଟ ରହିଛି। ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଜାରି ରଖିଛି ।
ଖବର ଅନୁଯାୟୀ, ଖୋର୍ଦ୍ଧା ସଦର ଥାନା କାଇପଦର ଟାଙ୍ଗେଣି ମୁଣ୍ଡିଆ ପାଣିରେ ଜଣେ ପୁରୁଷଙ୍କ ମୃତଦେହ ଭାସୁଥିବାର ଦେଖିବାକୁ ମିଳିଛି । ଏହାପରେ ତୁରନ୍ତ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ପୋଲିସ ଏବଂ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ପାଣି ଭିତରୁ ମୃତଦେହକୁ ଜବତ କରିଛି ।
ସେପଟେ ମୃତଦେହକୁ ଜବତ ପରେ ବ୍ୟବଚ୍ଛେଦ ନିମନ୍ତେ ମେଡିକାଲକୁ ପଠାଯାଇଛି । ସେହିପରି ପୋଲିସ ମଧ୍ୟ ଘଟଣାର ଛାନ୍ଭିନ୍ ଜାରି ରଖିଛି । ପୋଲିସର ତଦନ୍ତ ପରେ ଏହା ହତ୍ୟା ନା ଆତ୍ମହତ୍ୟା ଜଣାପଡିବ ବୋଲି ଆଶା କରାଯାଉଛି ।
