ନୂଆଦିଲ୍ଲୀ ୦୮।୧୧: ଆମେରିକାର ରାଷ୍ଟ୍ରପତି ନିର୍ବାଚନରେ ଜିତିଛନ୍ତି ରିପବ୍ଲିକାନ୍ ପାର୍ଟି ପ୍ରାର୍ଥୀ ଡୋନାଲ୍ଡ ଟ୍ରମ୍ପ । ସାରା ବିଶ୍ବରେ ଟ୍ରମ୍ପଙ୍କୁ ନେଇ ବହୁତ ଚର୍ଚ୍ଚା । ତାଙ୍କୁ ସଉକ୍ ଠାରୁ ସମ୍ପତି ସବୁକୁ ନେଇ ହେଉଛି ଆଲୋଚନା । ଜାଣି ଆଶ୍ଚର୍ଯ୍ୟ ହେବେ ଟ୍ରମ୍ପଙ୍କ ଡାଏଟ୍ ମଧ୍ୟ ଖୁବ୍ ସ୍ବତନ୍ତ୍ର । ଡୋନାଲ୍ଡ ଟ୍ରମ୍ପ ଖାଇବା ପିଇବାର ବହୁତ ସୌକିନ୍ ।
ସେ ଉଭୟ ଶାକାହାରୀ ଏବଂ ଅଣ-ଶାକାହାରୀ ଖାଦ୍ୟ ଖାଇବାକୁ ପସନ୍ଦ କରନ୍ତି । କିନ୍ତୁ ତାଙ୍କ ହୃଦୟରେ ନନ୍ଭେଜ୍ ପାଇଁ ରହିଛି ବିଶେଷ ସ୍ଥାନ । ଟ୍ରମ୍ପ ନନ୍ଭେଜ୍ରେ ଅନେକ ଜିନିଷ ଖାଇବାକୁ କରନ୍ତି ପସନ୍ଦ । ସେ ଖାସକରି ଗୋମାଂସ, ମାଛ ଏବଂ ଚିକେନ୍ ଖାଇବାକୁ ପସନ୍ଦ କରନ୍ତି। ସେ ବିଶେଷତଃ ଏଥିରୁ ପ୍ରସ୍ତୁତ ଖାଦ୍ୟ ଖାଇବାକୁ ପସନ୍ଦ କରନ୍ତି । ମାଛ ତାଙ୍କର ଦୈନନ୍ଦିନ ଖାଦ୍ୟରେ ସାମିଲ ହୋଇଥାଏ ।
ସେ ପ୍ରତିଦିନ ଡିନରରେ ଫିଲେଟ୍-ଓ-ଫିସ୍ ଖାଇଥାନ୍ତି । ଏହା ଏକ ଫିସ୍ ସାଣ୍ଡୱିଚ୍ । ଡୋନାଲ୍ଡ ଟ୍ରମ୍ପ ମଧ୍ୟ ଫ୍ରାଏଡ୍ ଚିକେନ୍ ଖାଇବାକୁ ପସନ୍ଦ କରନ୍ତି । କେଏଫସିରେ ସେ ଏହାକୁ ଖାଉଥିବା ତାଙ୍କର ଅନେକ ଚିତ୍ର ତାଙ୍କର ଭାଇରାଲ ହୋଇଛି। ତେବେ ଟ୍ରମ୍ପଙ୍କୁ ନନଭେଜ୍ ସାଣ୍ଡଓ୍ବିଚ୍ ତ ପସନ୍ଦ, କିନ୍ତୁ ସେ ବ୍ରେଡ୍ ଅଂଶ ଖାଆନ୍ତିନି । ଟ୍ରମ୍ପଙ୍କୁ ଡାଏଟ୍ କୋକ୍କୁ ଏତେ ପସନ୍ଦ ଯେ ସେ ଦିନକରେ ୧୨ ବୋତଲ ଡାଏଟ୍ କୋକ୍ ପିଇଯାଆନ୍ତି ।
