ଭୁବନେଶ୍ବର ୨୭/୧:  ୪ଦିନରେ ସରିବ ରାସନ କାର୍ଡର e-KYC ଯାଞ୍ଚ । ସମୟ ଭିତରେ ଅପଡେଟ୍‌ କରିପାରିନଥିବା ହିତାଧିକାରୀଙ୍କ ପାଇଁ କୋହଳ ହୋଇପାରେ ବ୍ୟବସ୍ଥା । ରାଜ୍ୟ ଓ ରାଜ୍ୟ ବାହାରେ କେତେ ହିତାଧିକାରୀଙ୍କ e-KYC ଅପଡେଟ୍‌ ସରିଲାଣି ଆଉ କେତେଜଣ କରିନାହାନ୍ତି ସେ ନେଇ ତଥ୍ୟ ରଖିଛନ୍ତି ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । 

ସେ କହିଛନ୍ତି ଆଉ ୪ଦିନ ଭିତରେ ଶେଷ ହେବ e-KYC ଯାଞ୍ଚ । କିନ୍ତୁ ୪୦ ଲକ୍ଷରୁ ଅଧିକ ଲୋକ ଏବେ ସୁଦ୍ଧା e-KYC ଅପଡେଟ୍‌ କରିନାହାନ୍ତି । ଯଦି କେହି ସମୟ ମଧ୍ୟରେ ଦେଇପାରିନାହାନ୍ତି ସେମାନେ ପରେ ଉପଯୁକ୍ତ କାରଣ ଦର୍ଶାଇ ଲିଖିତ ଆକାରରେ ଦେଲେ ପରବର୍ତ୍ତୀ ସମୟରେ e-KYC ପାଇଁ ସରକାର ବିଚାର କରିବେ । 

ଯୋଗାଣ ମନ୍ତ୍ରୀ ଆହୁରି କହିଛନ୍ତି ଏବେ ସୁଦ୍ଧା ୮୮ ପ୍ରତିଶତ ଲୋକ e-KYC କରିସାରିଲେଣି । ଆହୁରି ୪୦ ଲକ୍ଷ ୪୦ ହଜାର ୮୬୪ ଜଣ ହିତାଧିକାରୀ e-KYC କରିନାହାନ୍ତି । ସେମାନେ ବୋଧହୁଏ ଅଯୋଗ୍ୟ ଅଥବା ମୃତକ ହୋଇପାରନ୍ତି । ମୋଟ୍‌ ୩କୋଟି ୩୫ ଲକ୍ଷ ୫୭୦ରୁ ୨କୋଟି ୯୫ ଲକ୍ଷ ୮୯ ହଜାର ୯୧୨ ଜଣ ହିତାଧିକାରୀ e-KYC କରିସାରିଛନ୍ତି । ରାଜ୍ୟରେ ୨କୋଟି ୯୪ ଲକ୍ଷ ୫୯ ହଜାର ୮୮୬ e-KYC ଓ ରାଜ୍ୟ ବାହାରୁ ୧ଲକ୍ଷ ୩୦ ହଜାର ୨୬ ଜଣ  ବାହାରେ e-KYC କରିଛନ୍ତି । ଡିସେମ୍ବର ୩୧ରୁ e-KYC ଯାଞ୍ଚ ସରିବା ପରେ ଯଦି ଅଭିଯୋଗ ଆସେ ସରକାର ବିଚାର କରିବେ ବୋଲି ପ୍ରତିକ୍ରିୟା ରଖିଛନ୍ତି ଯୋଗାଣ ମନ୍ତ୍ରୀ ।