ଆଠଗଡ ୨୫/୧: ପୁଣି ବିପଦରେ ଗଜରାଜ । ଆଉ ଏକ ଦନ୍ତା ହାତୀର ସନ୍ଦେହଜନକ ମୃତ୍ୟୁ । କରେଣ୍ଟ ଲାଗି ଜୀବନ ଯାଇଥିବା ସନ୍ଦେହ । ବନ ବିଭାଗର ତନାଘନା ।
ଆଠଗଡ ବନଖଣ୍ଡ ନରସିଂହପୁର ପୂର୍ବାଞ୍ଚଳ ରେଞ୍ଜ ରଙ୍ଗଡାବ ଗ୍ୟାସ ଅଫିସ ନିକଟରେ ଥିବା ବଗିଚାରେ ଦନ୍ତା ହାତୀର ମୃତଦେହ ପଡିଥିବା ଦେଖିବାକୁ ମିଳିଥିଲା । ସ୍ଥାନୀୟ ଲୋକେ ବନ ବିଭାଗକୁ ଖବର ଦେଇଥିଲେ । ଘଟଣାସ୍ଥଳରେ ପହଞ୍ଚି ଅନୁଧ୍ୟାନ କରିଛି ବନବିଭାଗ ।
ପାରିପାର୍ଶିକ ସ୍ଥିତିରୁ ବିଦ୍ୟୁତ ସଂସ୍ପର୍ଶରେ ଆସି ହାତୀର ଜୀବନ ଯାଇଥିବା ସନ୍ଦେହ କରାଯାଉଛି । ହାତୀର ଆନୁମାନିକ ବୟସ ୧୦ରୁ ୧୨ ବର୍ଷ ହେବା ନେଇ ସୂଚନା ଦେଇଛି ବନବିଭାଗ ।
ହାତୀ ମଣିଷ ଲଢେଇ କିଛି ନୂଆ ନୁହେଁ । କେତେବେଳେ ଖାଦ୍ୟ ଅନ୍ବେଷଣରେ ଜନବସତି ମୁହାଁ ହେଉଛନ୍ତି ହାତୀ ପଲ । ହାତୀଙ୍କ ଆକ୍ରମଣରେ ମଣିଷ ଜୀବନ ଯାଉଛି । ଆଉ କେତେବେଳେ ପୁଣି ହାତୀ ଦାନ୍ତ ଶିକାର ପାଇଁ କରେଣ୍ଟ ଲଗାଉଛନ୍ତି ଶିକାରୀ । ଆଉ ଅକାଳରେ ନୀରିହ ହାତୀଙ୍କ ଜୀବନ ଯାଉଛି ।
