ଆନନ୍ଦପୁର ୨୫/୧: କେନ୍ଦୁଝର ଜିଲ୍ଲା ଘଷିପୁରା ଥାନା ବରିପାଳ ପଞ୍ଚାୟତ ଚମ୍ପେଇଡାହି ଗାଁରେ ଚାଞ୍ଚଲ୍ୟ । ଜଙ୍ଗଲରୁ ମିଳିଛି ଜଣେ ମହିଳାଙ୍କ ଦରପୋଡା ମୃତଦେହ । ମୃତ ମହିଳାଙ୍କ ପରିଚୟ ମିଳିପାରିନି । ପାରିପାର୍ଶ୍ବିକ ସ୍ଥିତିକୁ ଦେଖିଲେ ଅନ୍ୟ କେଉଁଠୁ ଅଣାଯାଇ ଜଙ୍ଗଲରେ ପୋଡା ଯାଇଥିବା ସନ୍ଦେହ କରାଯାଉଛି । ମୃତଦେହ ପାଖରେ ଦିଆସିଲ ପଡିଛି ।
ଶନିବାର ସକାଳୁ ଜଙ୍ଗଲକୁ ଯାଇଥିବା କିଛି ଅଧାପୋଡା ମୃତଦେହକୁ ଦେଖି ସ୍ଥାନୀୟ ସରପଞ୍ଚଙ୍କୁ ଜଣାଇଥିଲେ । ଏହା ପରେ ଘଷିପୁରା ପୋଲିସକୁ ଖବର ଦିଆଯାଇଥିଲା । ଆନନ୍ଦପୁର ଏସ୍ଡିପିଓଙ୍କ ନେତୃତ୍ବରେ ଘଷିପୁରା ପୋଲିସ ଛାନ୍ଭିନ୍ ଆରମ୍ଭ କରିଛି । ମୃତଦେହରୁ ଦୁର୍ଗନ୍ଧ ବାହାରିବା ସହ ପୋକ ସାଲୁବାଲୁ ହେଉଛନ୍ତି ।
ପ୍ରାୟ ୨ରୁ ୩ ଦିନ ତଳେ କେହି ଏଭଳି କୁତ୍ସିତ କାଣ୍ଡ ଘଟାଇଥିବା ସନ୍ଦେହ କରୁଛି ପୋଲିସ । ତେବେ ମହିଳା ଜଣକ କିଏ କେଉଁ କାରଣରୁ ତାଙ୍କର ଏମିତି ପରିସ୍ଥିତି ହେଲା ତାହା ଜଣାପଡିନି । ମୃତକଙ୍କ ପରିଚୟ ଜାଣିବାକୁ ସମସ୍ତ ଥାନାକୁ ଫଟୋ ପଠାଇଛି ପୋଲିସ ।
