ସମ୍ୱଲପୁର ୧୦/୧୦: ବୁର୍ଲା ପୋଲିସ ଦ୍ୱାରା ପେଶାଦାର ଅପରାଧିଙ୍କୁ ଏନକାଉଣ୍ଟର । ପୋଲିସକୁ ଆକ୍ରମଣ କରି ପାପୁଲି ଛିଣ୍ଡାଇଥିବା ଅପରାଧି କମଲୁ ପ୍ରଧାନଙ୍କୁ ଏନକାଉଣ୍ଟର କଲା ପୋଲିସ ।
ବୁର୍ଲା ଥାନା ଅଧିକାରୀ ଅନିଲ ପ୍ରଧାନଙ୍କ ଗୁଳିରେ ଅଭିଯୁକ୍ତ କମଲୁ ପ୍ରଧାନଙ୍କ ଗୋଡରେ ଗୁଳି ବାଜିଛି । ବୁର୍ଲା ପୋଲିସ ଅପରାଧିକୁ ଧରିବାକୁ ଜଙ୍ଗଲକୁ ଯାଇଥିବାବେଳେ ପୋଲିସକୁ ପୁଣି ଆକ୍ରମଣ କରିଥିଲା ଅପରାଧି । ଫଳରେ ଜଙ୍ଗଲ ଭିତରେ ଏନକାଉଣ୍ଟର କରିଛି ପୋଲିସ । ବୁର୍ଲା ଥାନା ଆ.କଟାପାଲି ଜଙ୍ଗଲରେ ଏନକାଣ୍ଟର କରାଯାଇଛି ।
ଅଭିଯୁକ୍ତର ପାଲଟା ଆକ୍ରମଣରେ ବୁର୍ଲା ପୋଲିସର ଏସଆଇ ଦେବାଶିଷ ଖିଲାରଙ୍କ ହାତ ପାପୁଲିରେ ଗଭୀର ଆଘାତ ଲାଗିଛି । ଅନ୍ୟପଟେ ଏନକାଉଣ୍ଟରରେ ଅଭିଯୁକ୍ତର ଡାହାଣ ଗୋଡରେ ଗୁଳି ବାଜିଛି । ଉଭୟଙ୍କୁ ବୁର୍ଲା ଭୀମସାରରେ ଭର୍ତ୍ତି କରାଯାଇଛି ।