ଆଠଗଡ଼ ୦୪।୧୨ : ଆଠଗଡ଼, ବାଙ୍କୀ , ନରସିଂହପୁର ଏବଂ କଟକ ଅବକାରୀ ବିଭାଗ ପକ୍ଷରୁ ବଡ଼ଧରଣର ଚଢ଼ାଉ। ୧୭୫୦ ଲିଟର ଚୋରା ଦେଶୀ ମଦ ଜବତ ସହ ୧୬୯୦୫ ଲିଟର ପୋଚ ନଷ୍ଟ ହୋଇଥିବା ବେଳେ ଜଣଙ୍କୁ ଗିରଫ କରାଯାଇଛି । ଗିରଫ ଜଣକ ହେଲେ ତିଗିରିଆ ଥାନା ପଣସପାଟଣା ଗାଁର ସଞ୍ଜୟ କୁମାର ସାହୁ ବୋଲି ଜଣାପଡିଛି।
ଖବର ଅନୁଯାୟୀ, ତିଗିରିଆ ଥାନା ଭିରୁଡା ଓ ପଣସପାଟଣା ଗ୍ରାମରେ ବେଆଇନ ମଦ ଚୋରା ଚାଲାଣ ହେଉଥିଲା । ଏନେଇ ଅବକାରୀ ବିଭାଗ ଖବର ପାଇ ଚଢାଉ କରିଥିଲା। ଆଠଗଡ଼, ବାଙ୍କୀ , ନରସିଂହପୁର ଏବଂ କଟକ ଅବକାରୀ ବିଭାଗ ପକ୍ଷରୁ ମିଳିତ ଚଢ଼ାଉ କରାଯାଇ ଜଣଙ୍କୁ ଗିରଫ କରାଯାଇଛି। ଅଭିଯୁକ୍ତ ନିକଟରୁ ୫୬୦ ଲିଟର ଚୋରା ଦେଶୀ ମଦ ସହ ୩୪୩୦ ଲିଟର ପୋଚ ସହିତ ଏହି କାରବାରରେ ବ୍ୟବହୃତ ଏକ ସ୍କୁଟିକୁ ମଧ୍ୟ ଜବତ କରିଛି ଅବକାରୀ ବିଭାଗ। ଅବକାରୀ ବିଭାଗ ୫ ଗୋଟି ମାମଲା ରୁଜୁ କରଯାଇଥିବା ବେଳେ ଚଢ଼ାଉରେ ସାମିଲ ଅଛନ୍ତି ୧୦ରୁ ଅଧିକ ଅବକାରୀ ବିଭାଗର ଅଧିକାରୀ।
