ନୂଆଦିଲ୍ଲୀ: ତାମିଲନାଡ଼ୁରେ ଶୁକ୍ରବାର ରାତିରେ ବଡ଼ ଧରଣର ରେଳ ଦୁର୍ଘଟଣା ଘଟିଛି । ମହୀଶୂରରୁ ବିହାରର ଦରଭଙ୍ଗା ଯାତ୍ରା କରୁଥିବା ବାଗମତୀ ଏକ୍ସପ୍ରେସ୍ ଚେନ୍ନାଇ ନିକଟରେ ଦୁର୍ଘଟଣାଗ୍ରସ୍ତ ହୋଇଛି । ମାଲବାହୀ ଟ୍ରେନ ସହ ଧକ୍କା ହେବା ପରେ ଟ୍ରେନରେ ନିଆଁ ଲାଗିଯାଇଛି । ଏହି ଦୁର୍ଘଟଣା କାଭାରାପେଟ୍ଟି ରେଲୱେ ଷ୍ଟେସନ ନିକଟରେ ହୋଇଛି । ଦୁର୍ଘଟଣାରେ ବାଗମତୀ ସୁପରଫାଷ୍ଟ ଏକ୍ସପ୍ରେସର ୬ଟି ବଗି ଲାଇନଚ୍ୟୁତ୍ ହୋଇଛି । ଏହାସହ ଦୁଇଟି ବଗିରେ ନିଆଁ ମଧ୍ୟ ଲାଗିଛି । ବର୍ତ୍ତମାନ ସୁଦ୍ଧା ୧୦ ଜଣ ଆହତଙ୍କୁ ନିକଟସ୍ଥ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
#WATCH | Six coaches of Train No.12578 (MYS-DBG) Mysore to Darbhanga were derailed after it collided with a goods train at around 20.30 hours. No causalities were reported. A few people were injured. The medical relief van and rescue team have started to move from Chennai… https://t.co/X9nIQ6uk3U pic.twitter.com/LPqfeXsF68
— ANI (@ANI) October 11, 2024
ପ୍ରାଥମିକ ସୂଚନା ଅନୁସାରେ ରାତି ୮ଟା ୩୦ ମିନିଟରେ ଦରଭଙ୍ଗା ଏକ୍ସପ୍ରେସ୍ ଷ୍ଟେସନରେ ଛିଡ଼ା ହୋଇଥିବା ମାଲଗାଡ଼ିକୁ ପଛପଟୁ ଧକ୍କା ଦେଇଥିଲା । ଦୁର୍ଘଟଣା ସମୟରେ ଏକ୍ସପ୍ରେସ୍ ଟ୍ରେନର ସ୍ପିଡ୍ କେତେ ଥିଲା ତାହା ମଧ୍ୟ ବର୍ତ୍ତମାନ ଜଣାପଡ଼ି ନାହିଁ । ଦୁର୍ଘଟଣା ପରେ ରେଲୱେ ଅଧିକାରୀ ଏବଂ କର୍ମଚାରୀ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ ଆରମ୍ଭ କରିଛନ୍ତି । ଯାତ୍ରୀଙ୍କୁ ସୁରକ୍ଷିତ ବାହାର କରାଯାଉଛି ।
