ମୁମ୍ଵାଇ ୧୪।୦୧; ପତି-ପତ୍ନୀଙ୍କ ଝଗଡା ନେଲା ଜୀବନ। ଝଗଡା ପରେ ୨୮ ବର୍ଷ ବ୍ୟକ୍ତି କେନାଲକୁ ଡେଇଁ ଆତ୍ମହତ୍ୟା କରିଥିଲେ । ଏହି ଘଟଣାକୁ ନେଇ ଥାନାରେ ଅଭିଯୋଗ ହୋଇଛି। ପୋଲିସ କହିଛି ଯେ ୧୦ ଘଣ୍ଟା ପରେ ୨କିଲୋମିଟର ଦୂରରେ ଉକ୍ତ ବ୍ୟକ୍ତିଙ୍କ ମୃତଦେହ ଉଦ୍ଧାର କରାଯାଇଛି। ରବିବାର ଦିନ ତାଙ୍କ ଶାଶୁଘର ଘରୁ ଫେରୁଥିବା ବେଳେ ବ୍ୟକ୍ତି ରାସ୍ତାରେ କାରକୁ ଅଟକାଇ କେନାଲକୁ ଡେଇଁପଡିଥିଲେ।
ସୋମବାର ସକାଳେ କୋଟା ବାସିନ୍ଦା ରଘୁନନ୍ଦନଙ୍କ ମୃତଦେହ ଉଦ୍ଧାର କରାଯାଇ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା। ପୋଲିସର ସୂଚନାନୁସାରେ, ରଘୁନନ୍ଦନ ଡେଇଁବା ପରେ ତାଙ୍କ ପତ୍ନୀ ପିଙ୍କି ତୁରନ୍ତ ପୋଲିସକୁ ଫୋନ କରି ଡାକିଥିଲେ। ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା। କିନ୍ତୁ ରାତି ସୁଦ୍ଧା ଉଦ୍ଧାର କାର୍ଯ୍ୟ ଆରମ୍ଭ ହୋଇପାରିନାହିଁ। ସେ କହିଛନ୍ତି ଯେ ସୋମବାର ସକାଳେ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା ଏବଂ ଘଟଣାସ୍ଥଳଠାରୁ ପ୍ରାୟ ୨ କିଲୋମିଟର ଦୂରରେ ମୃତଦେହ ଉଦ୍ଧାର କରାଯାଇଥିଲା।
ନାସିକ୍ରେ ଭୟଙ୍କର ଦୁର୍ଘଟଣା; ଟ୍ରକକୁ ଧକ୍କା ଦେଲା ଅଟୋ, ୮ ମୃତ
ପୋଷ୍ଟମର୍ଟମ ପରେ ପୋଲିସ ମୃତଦେହକୁ ପରିବାର ସଦସ୍ୟଙ୍କୁ ହସ୍ତାନ୍ତର କରିଥିଲା ଏବଂ ଅନୁସନ୍ଧାନ ପାଇଁ ଏକ ମାମଲା ରୁଜୁ କରିଥିଲା। ରଘୁନନ୍ଦନ ରବିବାର ଦିନ ସୋସିଆଲ ମିଡିଆ ପ୍ଲାଟଫର୍ମରେ ପାରିବାରିକ କଳହ ବିଷୟରେ ଏକ ପୋଷ୍ଟ କରିଥିଲେ। କିନ୍ତୁ ପରେ ଏହି ପୋଷ୍ଟକୁ ଡିଲିଟ କରିଦେଇଥିଲେ। ରଘୁନନ୍ଦନଙ୍କ ପିତା କହିଥିଲେ ଯେ ସେ ଜଣେ ନୃତ୍ୟଶିଳ୍ପୀ ଭାବରେ କାର୍ଯ୍ୟ କରୁଥିଲେ।
