ଆଠଗଡ଼: ମର୍ମନ୍ତୁଦ ସଡ଼କ ଦୁର୍ଘଟଣାରେ ଦୁଇ ନାବାଳକ କଲେଜ୍ ଛାତ୍ର ମୃତ। ମୃତକ ମାନେ ହେଲେ ଆଠଗଡ଼ ଥାନା ଅନ୍ତର୍ଗତ କନ୍ଦରପୁର ପଞ୍ଚାୟତ ଅଂଶୁମାନ ଦାସ ଏବଂ ସୋମୁ ରଞ୍ଜନ ବେହେରା । ଆଠଗଡ଼ କନ୍ଦରପୁର ବାଲିଆପାଠ ରାସ୍ତାରେ ଏହି ଘଟଣା ଘଟିଛି।
ସୂଚନା ଅନୁଯାୟୀ, ବାଲିଆପାଠ ରାସ୍ତା କଡ଼ରେ ସାଇକେଲ ଧରି ଛିଡ଼ା ହୋଇଥିବା ବେଳେ ମୋଞ୍ଜିନିସ୍ କେକ୍ କମ୍ପାନୀର ଏକ ପିକ୍ଅପ ଭ୍ୟାନ ଭାରସାମ୍ୟ ହରାଇ ରାସ୍ତାକଡ଼ରେ ଠିଆ ହୋଇଥିବା ନାବାଳକଙ୍କୁ ଧକ୍କା ଦେଇ ରାସ୍ତା କଡକୁ ଓଲଟି ପଡ଼ିଥିଲା। ଗୁରୁତର ଜଣେ ଛାତ୍ରକୁ ଆଠଗଡ଼ ମେଡ଼ିକାରେ ଭର୍ତ୍ତି କରା ଯାଇଥିବା ବେଳେ ସେଠାରେ ଡାକ୍ତର ମୃତ୍ୟୁ ଘୋଷଣା କରିଥିଲେ । ଆନ୍ୟ ଜଣଙ୍କୁ ଘଟଣାସ୍ଥଳରୁ କଟକ ସ୍ଥାନାନ୍ତର କରଯାଇଥିଲା। ସେଠାରେ ଡାକ୍ତର ମଧ୍ୟ ତାଙ୍କୁ ମୃତ ଘୋଷଣା କରିଥିଲେ। ଘଟଣାସ୍ଥଳରେ କିଛି ସମୟ ପାଇଁ ଚାପା ଉତ୍ତେଜନା ଦେଖିବାକୁ ମିଳିଥିଲା। ପରେ ଆଠଗଡ଼ ତହସିଲଦାର ଓ ପୋଲିସ୍ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିବା ସହିତ ରାସ୍ତାରୁ ଗାଡ଼ି ହଟାଇବା ପରେ ଯାତାୟାତ ସ୍ଵାଭାବିକ ହୋଇଥିଲା।
