ଭୁବନେଶ୍ୱର ୦୯।୧୦ : ରାଜଧାନୀରେ ପୁଣି ଜଣେ ନିଶାସକ୍ତ ମହିଳାଙ୍କ ଉତ୍ପାତ । ପୋଲିସ ଓ ଡାକ୍ତରଙ୍କ ଉପସ୍ଥିତିରେ କ୍ୟାପିଟାଲ ହସ୍ପିଟାଲରେ ୩ ଘଣ୍ଟା ଧରି ହଙ୍ଗାମା କଲେ ମହିଳା । ଏପିରିକି ହସ୍ପିଟାଲ ଭିତରେ ପଶି ଏକ ମୃତଦେହକୁ କିସ୍ ମଧ୍ୟ କରିଛନ୍ତି । ମୃତକଙ୍କ ପରିବାର ଲୋକଙ୍କ ବାରମ୍ବାର ବାରଣ ସତ୍ତ୍ୱେ ବି ଶୁଣିନଥିଲେ ମହିଳା ।
ନେପାଳ ଏହି ବିଦେଶିନୀ ଯୁବତୀ ଜଣକ ମଙ୍ଗଳବାର ରାତିରେ ଭୁବନେଶ୍ୱରରେ କରିଛନ୍ତି ହାଇଡ୍ରାମା । ପୋଲିସର ଦୁଇ କର୍ମଚାରୀଙ୍କୁ କାମୁଡି ଖଣ୍ଡିଆ କରିଥିଲେ । ଏହାପରେ କ୍ୟାପିଟାଲ ହସ୍ପିଟାଲରେ କରିଥିଲେ ଉତ୍ପାତ । କଳାରାହାଙ୍ଗ ନିକଟରେ ଥିବା ଏକ ଆପାର୍ଟମେଣ୍ଟରେ ରହୁଥିବା ଏହି ବିଦେଶିନୀ ପୂର୍ବରୁ ମଧ୍ୟ ଖାଇ ଖଣ୍ଡଗିରି ଥାନା ଅଞ୍ଚଳରେ ହଙ୍ଗାମ କରିଥିବାର ସୂଚନା ମିଳିଛି । ନିଶା ଛାଡିବା ପରେ ପୋଲିସ ଯୁବତୀଙ୍କୁ ନେଇ ତାଙ୍କ ଆପାର୍ଟମେଣ୍ଟରେ ନେଇ ଛାଡିଥିଲା ।
ସୂଚନାଯୋଗ୍ୟ ଯେ, ଗତ କିଛି ଦିନ ଧରି ରାଜଧାନୀରେ ମଦ୍ୟପ ମହିଳାଙ୍କ ଉତ୍ପାତ ବଢିବାରେ ଲାଗିଛି । କେଉଁଠି ପୋଲିସକୁ କାମୁ଼ଡି ଦେଉଛନ୍ତି , ତ ଆଉ କେଉଁଠି ରାସ୍ତା ମଝିରେ ଉତ୍ପାତ ମଚାଉଛନ୍ତି । ଯାହାକୁ ପୁରା ଟେନ୍ସନ୍ରେ କମିଶନରେଟ୍ ପୋଲିସ । ଭୁବନେଶ୍ୱରରେ ଏବେ ଚାରିଆଡେ ପାର୍ବଣର ମାହୋଲ । ଆଉ ଏପଟେ ମାତାଲ ମହିଳାଙ୍କ ଉତ୍ପାତ ଘଟଣା । ପୁରା ହରଡ଼ଘଣାରେ କମିଶନରେଟ୍ ପୋଲିସ ।
