ମୁମ୍ବାଇ ୧୧।୧୨ : ଆଉ ମାସ କେଇଟା ପରେ ଆରମ୍ଭ ହେବାକୁ ଯାଉଛି ଟି-୨୦ ବିଶ୍ୱକପ୍ । ୨୦୨୪ରେ ଏହି ବିଶ୍ୱକପ୍ ଆମେରିକା ଏବଂ ଓ୍ୱେଷ୍ଟଇଣ୍ଡିଜ୍ରେ ଖେଳାଯିବ । ଏଥିପାଇଁ ଟିମ୍ ଇଣ୍ଡିଆ ମଧ୍ୟ ପ୍ରସ୍ତୁତି ଆରମ୍ଭ କରିଛି । ତେବେ ଟିମ୍ର ପ୍ରସ୍ତୁତି ମଧ୍ୟରେ ରୋହିତ ଏବଂ ବିରାଟ କୋହଲିଙ୍କ ଖେଳିବା ନେଇ ପୂର୍ବତନ ଅଧିନାୟକ ଗୌତମ ଗମ୍ଭୀର ବଡ଼ ବୟାନ ଦେଇଛନ୍ତି ।
wp:embed {"url":"https://www.prameyanews7.com/bcci-secretary-jay-shah-on-rohit-sharmas-return-as-t20-captain/","type":"wp-embed","providerNameSlug":"prameya-news-7"}ଗମ୍ଭୀର କହିଛନ୍ତି ଯେ, କୌଣସି ବି ଖେଳାଳିଙ୍କ ବୟସକୁ ନେଇ ଚୟନ କରାଯିବ ଉଚିତ୍ ନୁହେଁ । ସେମାନଙ୍କ ଫର୍ମକୁ ନେଇ ବିଚାର କରାଯିବ ଉଚିତ୍ । ଖାସ୍ କରି ରୋହିତ ଶର୍ମା ଏବଂ ବିରାଟ କୋହଲିଙ୍କ ପରି ଖେଳାଳିଙ୍କ ବିଷୟରେ । ଉଭୟ ଏବେ ଜବରଦସ୍ତ ଫର୍ମରେ ଅଛନ୍ତି । ଯଦି ସେମାନେ ଫର୍ମରେ ଅଛନ୍ତି । ତେବେ ଉଭୟଙ୍କୁ ଟି-୨୦ ବିଶ୍ୱକପ୍ ଦଳରେ ସାମିଲ କରାଯିବ ଉଚିତ୍ । ଗତ ଦିନିକିଆ ବିଶ୍ୱକପ୍ରେ ରୋହିତ ଯେଉଁଭଳି ଭାବେ ଟିମ୍ର ନେତୃତ୍ୱ ନେଇଥିଲେ । ତାହା ସମସ୍ତଙ୍କ ପ୍ରତି ପ୍ରେରଣାଦାୟୀ । ଅଧିନାୟକ ଥାଇ ବି ରୋହିତ ଜବରଦସ୍ତ ଫର୍ମରେ ଖେଳ ପ୍ରଦର୍ଶନ କରିଥିଲେ । ତେଣୁ ମୁଁ ଯଦି ଚୟନକର୍ତ୍ତା ହୋଇଥାନ୍ତି । ତେବେ ରୋହିତଙ୍କ ଅଧିନାୟକ ଭାବେ ସିଲେକ୍ସନ କରିଥାନ୍ତି ।
wp:embed {"url":"https://www.prameyanews7.com/sanjay-bangar-returned-ipl-team-punjab-kings/","type":"wp-embed","providerNameSlug":"prameya-news-7"}ସେହିପରି ବିରାଟ କୋହଲିଙ୍କ ଚୟନ ନେଇ କହିଛନ୍ତି ଯେ, ବିରାଟ ବି ଭଲ ଫର୍ମରେ ଅଛନ୍ତି । ତାଙ୍କ ପରି ବ୍ୟାଟର ଖୁବ୍ କମ୍ ଦେଖିବାକୁ ମିଳିଥାଏ । ଗତ ବିଶ୍ୱକପ୍ରେ ବିରାଟ ଯେଉଁଭଳି ଖେଳ ପ୍ରଦର୍ଶନ କରିଥିଲେ। ମୋ ମତରେ ଆଜିକା ଦିନରେ ତାଙ୍କ ପରି ଖେଳ ପ୍ରଦର୍ଶନ କରିବା ଅନ୍ୟ ଖେଳାଳି ପକ୍ଷେ ବହୁତ କଷ୍ଟ । ତେଣୁ ଉଭୟଙ୍କ ଆଗାମୀ ଟି-୨୦ ବିଶ୍ୱକପ୍ରେ ଚୟନ କରାଯିବ ଉଚିତ୍ ।
wp:embed {"url":"https://www.prameyanews7.com/this-indian-player-will-break-brian-lara/","type":"wp-embed","providerNameSlug":"prameya-news-7"}ସୂଚନାଯୋଗ୍ୟ ଯେ, ୨୦୨୪ ହେବାକୁ ଥିବା ଟି-୨୦ ବିଶ୍ୱକପ୍ ପୂର୍ବରୁ ଆଇପିଏଲ୍ ସିଜିନ୍ ରହିଛି । କିନ୍ତୁ ଭାରତୀୟ ଟିମ୍ ଟି-୨୦ ବିଶ୍ୱକପ୍ ପୂର୍ବରୁ ମାତ୍ର ୬ଟି ଟି-୨୦ ଅନ୍ତର୍ଜାତୀୟ ମ୍ୟାଚ୍ ଖେଳିବ । ଦକ୍ଷିଣ ଆଫ୍ରିକା ଏବଂ ଆଫଗାନିସ୍ତାନ ସହିତ ମୁକାବିଲାରେ ୬ଟି ଟି-୨୦ ମ୍ୟାଚ୍ ହିଁ ଖେଳିବ । ତେବେ ଏହି ୬ଟି ଟି-୨୦ ମ୍ୟାଚ୍ ଆଉ ଆଇପିଏଲ୍ରେ ଖେଳାଳିଙ୍କ ପ୍ରଦର୍ଶନ ଅନୁସାରେ ଟି-୨୦ ବିଶ୍ୱକପ୍ ଲାଗି ଚୟନ କରାଯିବ ।
wp:embed {"url":"https://www.prameyanews7.com/s-sreesanth-allegations-against-gautam-gambhir-conflict/","type":"wp-embed","providerNameSlug":"prameya-news-7"}ତେବେ ଏସବୁ ଭିତରେ ରୋହିତ ଶର୍ମା ଏବଂ ବିରାଟ କୋହଲି ସାଉଥ ଆଫ୍ରିକା ବିପକ୍ଷ ଟି-୨୦ ଏବଂ ଦିନିକିଆ ସିରିଜ୍ରୁ ବିଶ୍ରାମ ନେଇଛନ୍ତି । ଦୁଇ ଖେଳାଳି ବୋର୍ଡକୁ ବିଶ୍ରାମ ଦେବା ପାଇଁ ଅନୁରୋଧ କରିଥିଲେ । ବୋର୍ଡ ବି ଉଭୟଙ୍କ ଖେଳାଳିଙ୍କ କଥା ରଖିଥିଲା । କିନ୍ତୁ ଜାତୀୟ ଗଣମାଧ୍ୟରେ ଭିନ୍ନ କଥା ଚର୍ଚ୍ଚା ହେଉଥିଲା । ବିରାଟ ଏବଂ ରୋହିତଙ୍କ ଟି-୨୦ କ୍ୟାରିୟର ଶେଷ ବୋଲି ଆଲୋଚନା ହେଉଥିଲା । ଏହି କଥାରେ କେତେ ସତ ଅଛି, ତାହା ଆଗାମୀ ଦିନରେ ଜଣାପଡିବ ।
wp:embed {"url":"https://www.prameyanews7.com/sunny-deol-missing-posters-in-pathankot/","type":"wp-embed","providerNameSlug":"prameya-news-7"}
