ଆଠଗଡ: ହୋଲିରେ ଅଘଟଣ। ବଡମ୍ବା ଭଟ୍ଟାରିକା ମହାନଦୀରେ ଗାଧୋଇବା ବେଳେ ବୁଡିଗଲେ ଯୁବକ। ଯୁବକ ମଙ୍ଗରାଜପୁର ଗାଁର ୨୭ ବର୍ଷୀୟ ପ୍ରମୋଦ ରାଉତ ବୋଲି ଜଣାପଡିଛି। ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଚଳାଇଛି। 

ସୂଚନା ଅନୁଯାୟୀ, ୩ ଜଣ ସାଙ୍ଗ ହୋଲି ଖେଳିସାରି ଗାଧୋଇବାକୁ  ଭଟ୍ଟାରିକା ପୀଠ ସ୍ଥିତ ମହାନଦୀକୁ ଆସିଥିଲେ । ଗାଧୋଉ ଥିବା ବେଳେ ୩ ଯୁବକ ବୁଡ଼ି ଯାଉଥିବା ଦେଖି ଜଣେ ନାବିକ ହୁଲି ଡ଼ଙ୍ଗାରେ ଦୁଇ ଜଣଙ୍କୁ ଉଦ୍ଧାର କରିଥିଲେ । ତେବେ ଆଉ ଜଣଙ୍କୁ ଉଦ୍ଧାର ପାଇଁ  ଗଲାବେଳକୁ ପ୍ରମୋଦ ପାଣିରେ ବୁଡି ନିଖୋଜ ହୋଇଯାଇଥିଲେ। ବାଲିଝରି ଓ ବଡମ୍ବା ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ନିଖୋଜ ଯୁବକଙ୍କୁ ଖୋଜା ଖୋଜି ଜାରି ରଖିଛି ।

Also read: ହୋଲି ଖେଳି ସମୁଦ୍ରରେ ଗାଧୋଇବା ହେଲା କାଳ, ବୁଡ଼ିଯାଇ ଛାତ୍ରଙ୍କ ମୃତ୍ୟୁ