ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ବିକାଶଶୀଳ ରାଷ୍ଟ୍ରଙ୍କୁ ଜଳବାୟୁ ପରିବର୍ତ୍ତନ ମୁକାବିଲାରେ ସକ୍ଷମ ହେବା ପାଇଁ ପର୍ଯ୍ୟାପ୍ତ ଆର୍ଥିକ ସହଯୋଗ ଓ ପ୍ରଯୁକ୍ତି ହସ୍ତାନ୍ତରଣ ପାଇଁ ଆହ୍ୱାନ ଦେଇଛନ୍ତି । ବିଶ୍ୱ ଜଳବାୟୁ ଶିଖର ସମ୍ମିଳନୀରେ ଭାଗ ନେବା ପାଇଁ ଦୁବାଇ ଗସ୍ତ ପୂର୍ବରୁ ପ୍ରଧାନମନ୍ତ୍ରୀ କହିଛନ୍ତି ଯେ ଜଳବାୟୁ ଉପରେ ଭାରତ ଯାହା କହୁଛି ତାହା କରି ଦେଖାଉଛି । ଏହାସହ ସେ ଜି-୨୦ ଅଧ୍ୟକ୍ଷତା ସମୟରେ ଭାରତ ଦ୍ୱାରା ଏହି ପ୍ରସଙ୍ଗକୁ ଦିଆଯାଇଥିବା ଗୁରୁତ୍ୱକୁ ରେଖାଙ୍କିତ କରିଛନ୍ତି ।
ପ୍ରଧାନମନ୍ତ୍ରୀ ମୋଦୀ କହିଛନ୍ତି, 'ୟୁଏଇ ରାଷ୍ଟ୍ରପତି ଓ ଆବୁ ଧାବି ଶାସକ ହିଜ ହାଇନେସ ଶେଖ ମହମ୍ମଦ ବିନ୍ ଜାୟଦ ଅଲ୍ ନାହୟାନଙ୍କ ନିମନ୍ତ୍ରଣରେ ଡିସେମ୍ୱର ୧ରେ କୋପ-୨୮ ବିଶ୍ୱ ଜଳବାୟୁ ଶିଖର ସମ୍ମିଳନୀରେ ଯୋଗ ଦେବା ପାଇଁ ଦୁବାଇ ଗସ୍ତ କରୁଛି । ଏହି ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମ ୟୁଏଇ ଅଧ୍ୟକ୍ଷତାରେ ଆୟୋଜିତ କରାଯାଉଥିବାରୁ ମୁଁ ଖୁସି । ୟୁଏଇ କ୍ଲାଇମେଟ୍ ଆକ୍ସନ କ୍ଷେତ୍ରରେ ଭାରତ ପାଇଁ ଏକ ଗୁରୁତ୍ୱପୂର୍ଣ୍ଣ ସହଭାଗୀ ରହିଛି' ।
wp:html/wp:htmlLeaving for Dubai, where I will take part in the COP-28 Summit. This forum will witness important deliberations to strengthen the efforts to overcome climate change and further sustainable development. I will also be interacting with various world leaders on the sidelines of the…
— Narendra Modi (@narendramodi) November 30, 2023
ପିଏମ୍ ମୋଦୀ କହିଛନ୍ତି, 'ଆମ ସଭ୍ୟତାର ମୂଲ୍ୟବୋଧକୁ ଧ୍ୟାନରେ ରଖି, ଭାରତ ସବୁବେଳେ ସାମାଜିକ ଓ ଆର୍ଥିକ ବିକାଶକୁ ଆଗକୁ ବଢାଇ ଜଳବାୟୁ ମୁକାବିଲା ଉପରେ ଜୋର ଦେଇଛି । ଜି-୨୦ ଅଧ୍ୟକ୍ଷତା ବେଳେ ଜଳବାୟୁ ଆମର ପ୍ରାଥମିକତାରେ ସବୁଠୁ ଉପରେ ଥିଲା । ନୂଆଦିଲ୍ଲୀ ଘୋଷଣାପତ୍ରରେ ଜଳବାୟୁ ପରିବର୍ତ୍ତନ ମୁକାବିଲା ସହ ସ୍ଥାୟୀ ବିକାଶ ଉପରେ ଅନେକ ପଦକ୍ଷେପ ନିଆଯାଇଛି । ମୁଁ ଏହି ପ୍ରସଙ୍ଗରେ ସର୍ବ ସହମତିକୁ ଆଗକୁ ନେବା ପାଇଁ କୋପ-୨୮ରେ ଆଶଆ ରଖିଛି'।
ପ୍ରଧାନମନ୍ତ୍ରୀ ମୋଦୀ ଜଳବାୟୁ ଉପରେ ମିଳିତ ଜାତିସଂଘର କନଫେନ୍ସ ଅଫ୍ ପାର୍ଟିଜକର ବିଶ୍ୱ ଜଳବାୟୁ କାର୍ଯ୍ୟାନୁଷ୍ଠାନ ଶିଖର ସମ୍ମିଳନୀରେ ଯୋଗ ଦେବେ ।
Also read: ଶତାବ୍ଦୀ ମଧ୍ୟ ସୁଦ୍ଧା ଗରମ ଜନିତ ମୃତ୍ୟୁ ସଂଖ୍ୟା ବଢିପାରେ ପାଞ୍ଚ ଗୁଣା, ଜଳବାୟୁ ପରିବର୍ତ୍ତନ ସାର୍ବଜାନୀନ ସ୍ୱାସ୍ଥ୍ୟକୁ ବିପଦ