ଜୟପୁର: ରାଜସ୍ଥାନରେ ମାରାତ୍ମକ କାଙ୍ଗୋ ଜ୍ବର ଏଣ୍ଟ୍ରି ମାରିଛି । ଯୋଧପୁରରେ ଜଣେ ୫୧ ବର୍ଷୀୟା ମହିଳାଙ୍କ କାଙ୍ଗୋଜ୍ବରରେ ମୃତ୍ୟୁ ହୋଇଛି । ଏହି ମାମଲା ସମ୍ନାକୁ ଆସିବା ପରେ ରାଜସ୍ଥାନ ସରକାରଙ୍କ ପକ୍ଷରୁ ଆର୍ଗଦର୍ଶିକା ଜାରି କରାଯାଇଛି । କଙ୍ଗୋ ଏକ ଘାତକ ଜ୍ବର, ଯାହା ପଶୁଙ୍କ ଠାରୁ ମଣିଷ ଶରୀରକୁ ବ୍ୟାପୀ ଥାଏ । ଏହି ମାରାତ୍ମକ ରୋଗକୁ ଅଟକାଇବାକୁ ରାଜ୍ୟ ସରକାର ପଦକ୍ଷେପ ଗ୍ରହଣ କରିଛନ୍ତି ।
ନ୍ୟୁଜ୍ ଏଜେନ୍ସି, ଯୋଦ୍ଧପୁରର ୫୧ ବର୍ଷୀୟାଙ୍କ ଅହମ୍ମଦାବାଦତର ଏନଏଚଏଲ ମୁନିସିପାଲ ମେଡିକାଲ କଲେଜରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ମହିଳା କାଙ୍ଗୋ ଜ୍ବରରେ ପୀଡିତ ଥିବା ନେଇ ନ୍ୟାସନାଲ ଇନଷ୍ଟୁଚ୍ୟୁଟ୍ ଅଫ୍ ବାୟରୋଲୋଜି ଦ୍ବାରା ସ୍ପଷ୍ଟ ହୋଇଛି । ବୁଧବାର ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।
ପବ୍ଲିକ୍ ହେଲ୍ଥ ନିର୍ଦ୍ଦେଶକ ଡା. ରବି ପ୍ରକାଶ ମାଥୁର ସୂଚନା ଦେଇ କହିଛନ୍ତି, ଯୋଧପୁର ମୁଖ୍ୟ ଚିକିତ୍ସାଳୟ ସ୍ବାସ୍ଥ୍ୟ ଅଧିକାରୀଙ୍କୁ ପ୍ରଭାବିତ ଅଞ୍ଚଳରେ ଲୋକଙ୍କୁ ସ୍ବାସ୍ଥ୍ୟସେବା ଯୋଗାଇ ଦେବାକୁ ନିର୍ଦ୍ଦେଶ ଦେଇଛନ୍ତି । ଏହାଛଡ଼ା ସନ୍ଦିଗ୍ଧ ଏବଂ ଲକ୍ଷ୍ୟଣ ଥିବା ଲୋକଙ୍କୁ କ୍ବାରେଣ୍ଟାଇନରେ ରଖିବାକୁ ନିର୍ଦ୍ଦେଶ ଦେଇଛନ୍ତି । ଏହାଛଡ଼ା କାଙ୍ଗୋ ଜ୍ବର ଲକ୍ଷ୍ୟଣ ଥିବା ଲୋକଙ୍କ ନମୂନା ପରୀକ୍ଷଣ କରାଯିବ। ଏବାବଦରେ ସ୍ବାସ୍ଥ୍ୟ ବିଭାଗକୁ ମଧ୍ୟ ସୂଚୀତ କରାଯାଇଛି ।
