ନୂଆଦିଲ୍ଲୀ: କେନ୍ଦ୍ର ସରକାର ଆଇଏଏସ ଅଫିସର କେ ସଞ୍ଜୟ ମୂର୍ତ୍ତିଙ୍କୁ ଭାରତର ନୂତନ ନିୟନ୍ତ୍ରକ ଏବଂ ମହାଲେଖା ପରୀକ୍ଷକ(ସିଏଜି) ନିଯୁକ୍ତ କରିଛି। । ନଭେମ୍ବର ୨୧ରେ ମୂର୍ତ୍ତି ନୂତନ ସିଏଜି ମୁଖ୍ୟ ଭାବେ ଦାୟିତ୍ଵ ଗ୍ରହଣ କରିବେ। ୧୯୮୮ ବ୍ୟାଚ୍ ଆନ୍ଧ୍ର ପ୍ରଦେଶ କ୍ୟାଡରର ଆଇଏଏସ ଅଫିସର ମୂର୍ତ୍ତି ବର୍ତ୍ତମାନ ଶିକ୍ଷା ମନ୍ତ୍ରଣାଲୟରେ ଉଚ୍ଚଶିକ୍ଷା ବିଭାଗର ସଚିବ ଭାବେ କାର୍ଯ୍ୟରତ। ଏ ନେଇ କେନ୍ଦ୍ର ସରକାରଙ୍କ ପକ୍ଷରୁ ସୋମବାର ବିଜ୍ଞପ୍ତି ପ୍ରକାଶ ପାଇଛି।
ଭାରତର ବର୍ତ୍ତମାନ ସିଏଜି ମୁଖ୍ୟ ଗିରିଶ ଚନ୍ଦ୍ର ମୁର୍ମୁଙ୍କ କାର୍ଯ୍ୟକାଳ ନଭେମ୍ବର ୨୦ରେ ସମାପ୍ତ ହେଉଛି। ତାଙ୍କୁ ୨୦୨୦ରେ ସିଏଜିର ମୁଖ୍ୟ ଭାବେ ରାଷ୍ଟ୍ରପତି ନିଯୁକ୍ତ କରିଥିଲେ। ଏହା ପୂର୍ବରୁ ସେ ଜମ୍ମୁ-କାଶ୍ମୀର କେନ୍ଦ୍ର ଶାସିତ ରାଜ୍ୟରେ ଉପରାଜ୍ୟପାଳ ରହିଥିଲେ।
