ଖୋର୍ଦ୍ଧା୨୯/୧୨: ଉଚ୍ଛେଦ ବେଳେ ଖୋର୍ଦ୍ଧା ବ୍ୟାଙ୍କ ଛକରେ ଅଘଟଣ । ଉଚ୍ଛେଦକୁ ବିରୋଧ କରି ୨ ଜଣ ବ୍ୟବସାୟୀଙ୍କ ଆତ୍ମହତ୍ୟା ଉଦ୍ୟମ । ଜଣେ ଦୋକାନୀ ଦେହରେ ପେଟ୍ରୋଲ ଢାଳି ହେବାକୁ ଉଦ୍ୟମ କରୁଥିଲେ । ଅନ୍ୟ ଜଣେ ଛୁରି ଧରି ବେକ କାଟିବାକୁ ଉଦ୍ୟମ କରୁଥିବାବେଳେ ଅଟକାଇଛି ପୋଲିସ । ଘଟଣାସ୍ଥଳରୁ ଉଭୟଙ୍କୁ ଉଠାଇ ନେଇଛି ପୋଲିସ ।
ରବିବାର ସକାଳୁ ଖୋର୍ଦ୍ଧା ମାନୁଆଳି ପଟି ଠାରୁ ବ୍ୟାଙ୍କ ଛକ ଯାଏ ଉଠା ଦୋକାନୀଙ୍କୁ ଉଚ୍ଛେଦ ଆରମ୍ଭ କରିଛି ପ୍ରଶାସନ । ହାଇକୋର୍ଟରୁ ଷ୍ଟେ ଅର୍ଡର ଆଣିଥିବା ଦୋକାନ ଛାଡି ଅନ୍ୟ ସବୁ ଦୋକାନକୁ ଉଚ୍ଛେଦ କରୁଛି ପ୍ରଶାସନ । ଜେସିବି ସହାୟତାରେ ଜବରଦଖଲ ଉଚ୍ଛେଦ ଅଭିଯାନ ଚାଲିଛି ।
ଘଟଣାସ୍ଥଳରେ ଖୋର୍ଦ୍ଧା ଉପଜିଲ୍ଲାପାଳ,ତହସିଲଦାର ଓ ଅନ୍ୟ ପ୍ରଶାସନିକ ଅଧିକାରୀ ଉପସ୍ଥିତ ଅଛନ୍ତି । କୌଣସି ଅଘଟଣ ଆଶଙ୍କାରେ ୨ ପ୍ଲାଟୁନ ଫୋର୍ସ ମୁତୟନ ଅଛନ୍ତି ।ତେବେ କିଛି ଦୋକାନୀ ଉଚ୍ଛେଦ କାମକୁ ବିରୋଧ କରିବାରୁ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା ।
