ମୁମ୍ବାଇ ୧୫।୧୨ : ଭାରତ-ଅଷ୍ଟ୍ରେଲିଆ ଟେଷ୍ଟ ସିରିଜ୍ । ଗୋଟିଏ ପଟେ ସିରିଜ୍କୁ ନେଇ ମାହୋଲ ସରଗରମ ଥିବା ବେଳେ ଆଉ ଗୋଟିଏ ପଟେ ମାର୍ନସ ଲାବୁସେନ୍ ଏବଂ ମହମ୍ମଦ ସିରାଜଙ୍କ ବିବାଦ ଗୋଟିଏ ପଟେ । ପ୍ରଥମେ ଆଡିଲେଡ୍ ଆଉ ଏବେ ଗାବାରେ ପୁଣି ଚର୍ଚ୍ଚାକୁ ଆସିଛନ୍ତି ମାର୍ନସ ଏବଂ ସିରାଜ ।
ବ୍ରିସବେନ୍ର ଗାବା ଗ୍ରାଉଣ୍ଡରେ ଖେଳାଯାଉଛି ବର୍ଡର-ଗାଭାସ୍କର ତୃତୀୟ ଟେଷ୍ଟ । ଟସ୍ ଜିତି ପ୍ରଥମେ ବୋଲିଂ କରୁଥିବା ବେଳେ ବ୍ୟାଟିଂ କରୁଛି ଘରୋଇ ଅଷ୍ଟ୍ରେଲିଆ । କ୍ରିଜରେ ମାର୍ନସ ଲାବୁସେନ ଓ ସ୍ମିଥ ଥିଲେ । ଏହି ସମୟରେ ବୋଲିଂ ପାଇଁ ଆସିଥିଲେ ସିରାଜ । ଲାବୁସେନ ତାଙ୍କୁ ଚିଡାଉଥିବାର ଦେଖିବାକୁ ମିଳିଥିଲା । ସେପଟେ ଭାରତ ତୃତୀୟ ୱିକେଟ ଶିକାର ପାଇଁ ପ୍ଲାନିଂ କରୁଥିଲା । ୩୩ ତମ ଓଭର ଦ୍ବିତୀୟ ବଲ ପରେ ସିରାଜ ଷ୍ଟ୍ରାଇକର ଷ୍ଟମ୍ପ ଉପରେ ଥିବା ୨ଟି ବେଲକୁ ବଦଳାଇ ଦେଇଥିଲେ । ଏହାପରେ ସିରାଜ ବୋଲିଂ ପାଇଁ ଆସିଥିଲେ । ହେଲେ ସେହି ସମୟରେ ଲାବୁସେନ ସିରାଜ ବଦଳାଇଥିବା ଷ୍ଟମ୍ପ ବେଲକୁ ପୂର୍ବ ପରି କରି ଦେଇଥିଲେ । ଆଉ ଏହାପରେ ସିରାଜଙ୍କୁ ଚିଡାଇଥିଲେ । ଏହାର ଠିକ ପରବର୍ତ୍ତୀ ବଲରେ ହିଁ ଆଉଟ ହୋଇଥିଲେ ଲାବୁସେନ । ୧୨ ରନ କରି ନୀତିଶ କୁମାର ରେଡ୍ଡୀଙ୍କ ବଲର ଶିକାର ହୋଇଥିଲେ ସେ ।
ସେହିପରି ଆଡିଲେଡରେ ଖେଳା ଯାଉଥିବା ଦ୍ବିତୀୟ ଟେଷ୍ଟରେ ମାର୍ନସ ଲାବୁସେନ ଓ ସିରାଜ ଚର୍ଚ୍ଚାକୁ ଆସିଥିଲେ । ମହମ୍ମଦ ସିରାଜ ଅଷ୍ଟ୍ରେଲିଆ ବ୍ୟାଟ୍ସମ୍ୟାନ ମାର୍ସନ ଲାବୁସେନଙ୍କ ଉପରେ ରାଗିଥିବା ଦେଖିବାକୁ ମିଳିଥିଲା । ସିରାଜ ବୋଲିଂ କରିବାକୁ ଯିବା ସମୟରେ ଲାବୁସେନ ତାଙ୍କୁ ଅଟକିବାକୁ କହିଥିଲେ । ସିରାଜ ଅଟକି ଥିଲେ ମାତ୍ର ପୁଣି ରାଗି ଯାଇ ବଲ ଫୋପାଡିଥିବା ଭିଡିଓରେ ଦେଖିବାକୁ ମିଳିଥିଲା ।
