ଆନନ୍ଦପୁର ୧୩।୭: କେନ୍ଦୁଝର ଜିଲ୍ଲା ଘସିପୁରା ଥାନା ଜାତୀୟ ରାଜପଥ ୨୦ର ବେଲବାହାଳି ବାଇପାସ ନିକଟରେ ବନ୍ଧୁକ ମୁନରେ ଲୁଟ୍ । ଗୁଳି ଫୁଟାଇ ଦମ୍ପତିଙ୍କ ନିକଟରୁ ଲୁଟିନେଲେ ଦୁର୍ବୃତ୍ତ । ତଦନ୍ତ ଜାରି ରଖିଛି ପୋଲିସ ।
ସୂଚନାଯୋଗ୍ୟ ଯେ, ଯାଜପୁର ଜିଲ୍ଲା କୋରେଇ ଥାନା ଜଳନ୍ଦା ଗାଁର ଦିଲ୍ଲୀପ ବାରିକ ନିଜ ପତ୍ନୀ ଓ ନିଜ ଝିଅକୁ ନେଇ ଭାଣିଜୀ ବାହାଘର ପାଇଁ କେନ୍ଦୁଝର ଜିଲ୍ଲା ମଲିପଶି ଗାଁକୁ ଯାଇଥିଲେ । ବାହାଘର ସାରି ଶନିବାର ନିଜ ଘରକୁ ଫେରୁଥିବା ସମୟରେ ବେଲବାହାଳି ନିକଟରେ ଏକ ବାଇକରେ ୩ ଜଣ ଦୁର୍ବୃତ୍ତ ସେମାନଙ୍କ ପିଛା କରିଥିଲେ । ସେମାନଙ୍କୁ ଅଟକାଇ ଭୁଜାଲି ଦେଖାଇବା ସହିତ ବନ୍ଧୁକ ବାହାର କରି ୩ ରାଉଣ୍ଡ ଫାୟାରିଂ କରିଥିଲେ । ସେଠାରେ ସ୍ଥାନୀୟ ଲୋକ ପହଞ୍ଚି ଯିବାରୁ ମହିଳାଙ୍କ ସୁନା କାନଫୁଲ ନେଇ ଦୁର୍ବୃତ୍ତ ମାନେ ଫେରାର ହୋଇ ଯାଇଥିଲେ । ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ସୃଷ୍ଟି ହୋଇଥିବା ବେଳେ ପାରିପାର୍ଶ୍ଵିକ ସ୍ଥିତିକୁ ଦେଖି ପୋଲିସ ତଦନ୍ତ ଆରମ୍ଭ କରିଛି । ଆନନ୍ଦପୁର ଅଞ୍ଚଳରେ ଏଭଳି ଅନେକ ଘଟଣା ଘଟୁଥିବା ବେଳେ ତୁରନ୍ତ ଚୋରଙ୍କୁ ଧରିବାକୁ ଦାବି ହେଉଛି ।
You Can Read:
