ଜଗତସିଂହପୁର ୧୭।୮: ଜଗତସିଂହପୁର ସହର ସ୍ଥିତ ଏକ ଗ୍ୟାରେଜରେ ମରାମତି ପାଇଁ ଆସିଥିବା ଏକ ଘରୋଇ ଆମ୍ବୁଲାନ୍ସକୁ ପୋଡିଦେଲେ ଦୁର୍ବୃତ୍ତ । କେହି ଅଜଣା ଦୁର୍ବୃତ୍ତମାନେ ପୋଡ଼ିଦେଇଥିବା ଅଭିଯୋଗ ହୋଇଛି ।
ସୂଚନାଯୋଗ୍ୟ ଯେ, ଶୁକ୍ରବାର ବିଳମ୍ୱିତ ରାତିରେ ଦୁର୍ବୃତ୍ତ ମାନେ ଆମ୍ବୁଲାନ୍ସରେ ନିଆଁ ଲଗାଇ ଦେବା ପରେ ସାରା ଗ୍ୟାରେଜରେ ନିଆଁ ଲାଗିଯାଇଥିଲା । ନିଆଁ ଲାଗିଥିବା ଦେଖି ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା । ଘଟଣା ସନ୍ଧ୍ୟାରେ ମରାମତି ପାଇଁ ଆମ୍ବୁଲାନ୍ସକୁ ମାଲିକ ଗ୍ୟାରେଜକୁ ଆଣିଥିଲେ । ଶନିବାର ସକାଳୁ ଗ୍ୟାରେଜ ମାଲିକ ଘଟଣା ସମ୍ପର୍କରେ ଜାଣିବା ପରେ ଗାଡି ମାଲିକଙ୍କୁ ଖବର ଦେଇଥିଲେ । ନିକଟରେ ଲାଗିଥିବା ସିସିଟିଭି ତାରକୁ କାଟିଦେବା ପରେ ଆମ୍ବୁଲାନ୍ସରେ ନିଆଁ ଲଗାଇ ଦେଇଥିବା ଜଣାପଡିଛି । ଏହି ଘଟଣାକୁ ନେଇ ସଦର ଥାନାରେ ଗାଡି ମାଲିକ ଏତଲା ଦେଇଛନ୍ତି ।
You Can Read:
