ଆଠଗଡ ୮/୭: ବିବାହକୁ ୨ ମାସ ପୁରିନି । ଯବାନଙ୍କ ଅକାଳ ବିୟୋଗ । ମୃତ ଯବାନ କଟକ ଜିଲ୍ଲା ନରସିଂହପୁର ବ୍ଲକ ବ୍ରହ୍ମପୁରା ଗାଁର ୨୬ ବର୍ଷର ପିଣ୍ଟୁ ନାୟକ । ଲିଭର ଜଣ୍ଡିସ ରୋଗରେ ଆକ୍ରାନ୍ତ ହୋଇ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ସେ ପଞ୍ଜାବ ପଠାନକୋଟ ଆର୍ମି କାର୍ଯ୍ୟାଳୟରେ ଯବାନ ଭାବରେ କାର୍ଯ୍ୟ କରୁଥିଲେ । ପିଣ୍ଟୁଙ୍କ ମରଶରୀର ଦିଲ୍ଲୀରୁ ଆସି ଗାଁରେ ପହଞ୍ଚିବା ପରେ ଶୋକାକୁଳ ପରିବେଶରେ ରାଷ୍ଟ୍ରୀୟ ମର୍ଯ୍ୟାଦା ସହ ଗାଁ ଶ୍ମଶାନରେ ଅନ୍ତିମ ସଂସ୍କାର କରାଯାଇଛି । ୨ମାସ ପୂର୍ବରୁ ବିବାହ କରିଥିଲେ ପିଣ୍ଟୁ । ତାଙ୍କ ଅକାଳ ବିୟୋଗରେ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି । ।