ଝାରସୁଗୁଡା ୧୬।୬: ଝାରସୁଗୁଡା ଜିଲ୍ଲା ରେଙ୍ଗାଳି ଥାନା ଅନ୍ତର୍ଗତ କୋଇଲିଘୁଘର ଜଳପ୍ରପାତରେ ଗାଧୋଇବା ବେଳେ ବୁଡିଯାଇ ପ୍ରାଣ ହରାଇଲେ ଜଣେ ଯୁବକ l ଯୁବକ ଜଣକ ଭୁବନେଶ୍ୱରର ବ୍ରଜେଶ୍ୱର ବେହେରା ବୋଲି ଜଣାପଡିଛି l ତାଙ୍କ ବୟସ ୨୮ ବର୍ଷ ।
ବ୍ରଜେଶ୍ଵର ସମ୍ବଲପୁରର ଏକ ଘରୋଇ କମ୍ପାନୀରେ କାର୍ଯ୍ୟ କରୁଥିବା ବେଳେ ରବିବାର ନିଜ ୪ ଜଣ ସାଙ୍ଗଙ୍କ ସହ ମିଶି କୋଇଲିଘୁଘରକୁ ବୁଲିବାକୁ ଆସିଥିଲେ l କୋଇଲିଘୁଘର ଜଳପ୍ରପାତରେ ଗାଧୋଇବା ବେଳେ ଭାସିଯାଇଥିଲେ ବ୍ରଜେଶ୍ୱର l ରେଙ୍ଗଲୀ ପୋଲିସ ଏବଂ ଲଖନପୁର ଅଗ୍ନିଶମ ବିଭାଗ ଘଟଣାସ୍ଥଳକୁ ପହଞ୍ଚି ତାଙ୍କୁ ଉଦ୍ଧାର କରି ଲଖନପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ ହେଁ ଡାକ୍ତର ସେଠାରେ ବ୍ରଜେଶ୍ଵରଙ୍କୁ ମୃତ ଘୋଷଣା କରିଛନ୍ତି l
You Can Read :
ପବିତ୍ର ଦେବସ୍ନାନ ପୂର୍ଣ୍ଣିମାରେ ଶୃଙ୍ଖଳିତ ଦର୍ଶନ ନେଇ ଗୁରୁତ୍ବ, ପୋଲିସ ପ୍ରଶାସନର ଜୋରଦାର ପ୍ରସ୍ତୁତି